ലണ്ടൻ: പാർശ്വഫലങ്ങൾ റിപ്പോർട്ട്​ ചെയ്​തതിനെത്തുടർന്ന് അ​സ്​​ട്ര​സെ​ന​ക കോവിഡ്​ വാക്​സിൻ നിർത്തിവെച്ച് യൂറോപ്യൻ രാജ്യമായ നെതർലന്റ്. വാക്സിനെപ്പറ്റി കൂടുതൽ ഗവേഷണം നടത്താനാണ് രാജ്യത്തെ ആരോഗ്യ വിദഗ്ധരുടെ തീരുമാനം. മാർച്ച്​ 29 വരെ രാജ്യത്ത്​ ഈ വാക്​സിൻ ഉപയോഗിക്കില്ല എന്നാണ് തീരുമാനം. അടുത്തിടെ നോർവേയിൽ വാക്​സിനെടുത്തവരിൽ രക്​തം കട്ടപിടിക്കുന്ന പ്രശ്​നം കണ്ടെത്തിയതിനെത്തുടർന്ന് മറ്റൊരു യൂറോപ്യൻ രാജ്യമായ അയർലന്റ്​ ആസ്​ട്രസെനക ഉപയോഗം നിർത്തലാക്കിയിരുന്നു. വാക്സിൻ സുരക്ഷിതമാണെന്നാണ് ലോകാരോഗ്യ സംഘടന റിപ്പോർട്ട്​. സംഭവം യൂറോപ്യൻ മെഡിസിൻസ്​ ഏജൻസി അന്വേഷിച്ചുവരികയാണ്​. ഡെൻമാർക്​, നോർവേ, ബൾഗേറിയ, ഐസ്​ലന്റ്, തായ്​ലന്റ് എന്നീ രാജ്യങ്ങൾ നേരത്തെ ആസ്​ട്ര സെനക വാക്സിൻനിരോധിച്ചിരുന്നു.

നോ​ർ​വീ​ജി​യ​ൻ മെ​ഡി​സി​ൻ ഏ​ജ​ൻ​സി പു​റ​ത്തു​വി​ട്ട പ​ഠ​നം മു​ൻ​നി​ർ​ത്തി​യാ​ണ്​ അ​യ​ർ​ല​ന്റ് ​ വാ​ക്​​സി​നേ​ഷ​ൻ നി​ർ​ത്തി​വെ​ച്ച​ത്.

, 1.7 കോടി പേർ യൂറോപ്പിൽ വാക്​സിൻ സ്വീകരിച്ചതിൽ അപൂർവം ചിലർക്കു മാത്രമാണ്​ പാർശ്വഫലങ്ങൾ റിപ്പോർട്ട് ചെയ്തതെന്നും രണ്ടും തമ്മിൽ ബന്ധം ഉണ്ടെന്ന് ശാസ്ത്രീയമായ തെളിവുകളില്ലെന്നുമാണ് വാക്സിൻ നിർമ്മാണ കമ്പനിയുടെ വിശദീകരണം.