തിരുവനന്തപുരം: തവനൂരിൽ ജീവകാരുണ്യ പ്രവ‌ർത്തകൻ ഫിറോസ് കുന്നംപറമ്പിൽ മത്സരിക്കുമെന്ന് ഏകദേശം ഉറപ്പായിരിക്കെ യു.ഡി.എഫിനെയും ഫിറോസിനെയും പരിഹസിച്ച് അഡ്വ. ഹരീഷ് വാസുദേവൻ. തവനൂരിൽ ജയിക്കാൻ വേണ്ടത് 65,000 വോട്ട്. കാലം കാത്തുവെച്ച നിധിയായ നന്മമരം ഒരു ലൈവിട്ടാൽ ഏകദേശം നാലഞ്ചു ലക്ഷം വോട്ട് കിട്ടും. സന്ധ്യയോടെ പോളിംഗ് ബൂത്ത് അടച്ചില്ലെങ്കിൽ പിറ്റേന്നും വോട്ട് ഒഴുകി വരും. 65,000 വോട്ട് മൂപ്പർ എടുത്തിട്ടു ബാക്കി മറ്റു യു.ഡി.എഫ് സ്ഥാനാർത്ഥികൾക്ക് വീതിച്ചു കൊടുക്കും. അദ്ദാണ് ചാരിറ്റിയെന്നും ഹരീഷ് ഫേസ്ബുക്കിൽ കുറിച്ചു.