ബീയ്ജിംഗ് : അന്തരീക്ഷ മലനീകരണം രൂക്ഷമായ നഗരങ്ങളിലൊന്നാണ് ചൈനയുടെ തലസ്ഥാനമായ ബെയ്ജിങ്. കഴിഞ്ഞ ദിവസം വടക്ക് പടിഞ്ഞാറൻ ചൈനയിൽ പൊടിക്കാ​റ്റ് ആഞ്ഞു വീശിയതോടെ ബെയ്ജിങ് നഗരത്തിന്റെ അന്തരീക്ഷം മഞ്ഞ നിറമായി മാറി. മംഗോളിയ, ഗാൻസു, ഷാങ്സി, ഹെബെ എന്നിവിടങ്ങളിലാണ് പൊടിക്കാ​റ്റ് രൂക്ഷമായത്.വായു മലനീകരണ തോത് റെക്കോർഡിലെത്തിയ ബെയ്ജിങ്ങിൽ എയർ ക്വാളി​റ്റി ഇൻഡെക്സ് 500 മുകളിലാണ്. ബെയ്ജിങ്ങിന് പുറമേ മ​റ്റ് ചൈനീസ് നഗരങ്ങളിലും സ്ഥിതി രൂക്ഷമാണ്.വടക്കൻ ചൈനയിൽ സ്ഥിതിചെയ്യുന്ന ഗോബി മരുഭൂമിയിൽ നിന്നാണ് പൊടിക്കാ​റ്റുകൾ ഉത്ഭവിക്കാറ്. ബെയ്ജിങ് നഗരത്തിലെ മലനീകരണം കുറയ്ക്കാൻ വലിയ പദ്ധതികളാണ് ചൈനീസ് സർക്കാർ നടപ്പാക്കുന്നത്. മഞ്ഞ നിറമായി മാറിയ ബെയ്ജിങ് നഗരത്തിന്റെ ദൃശ്യങ്ങൾ സമൂഹ മാധ്യമങ്ങളിൽ വൈറലായിരുന്നു.