കാൻബറ: ഹോളിവുഡ് - ബോളിവുഡ് നടി പ്രിയങ്ക ചോപ്രയും ഭർത്താവും ഗായകനും നടനുമായ നിക് ജോനാസും ചേർന്ന് ഓസ്കർ നാമനിർദ്ദേശ പട്ടിക പ്രഖ്യാപിച്ചതിൽ അതൃപ്തി രേഖപ്പെടുത്തി ആസ്‌ട്രേലിയൻ മാദ്ധ്യമ പ്രവർത്തകൻ പീറ്റർ ഫോർഡ്. നിങ്ങൾ രണ്ടുപേരോടും എനിക്ക് ബഹുമാനക്കുറവില്ല, എന്നാൽ, ഓസ്‌കർ നാമനിർദ്ദേശ പട്ടിക പ്രഖ്യാപിക്കാൻ നിങ്ങൾക്ക് എന്താണ് യോഗ്യത? എന്നായിരുന്നു പീറ്ററിന്റെ ചോദ്യം. തൊട്ടുപിന്നാലെ പ്രിയങ്ക മറുപടിയുമായി രംഗത്തെത്തി. ഒരാളുടെ യോ​ഗ്യതയെക്കുറിച്ചുള്ള നിങ്ങളുടെ ചിന്ത ഞാൻ ഇഷ്ടപ്പെടുന്നു. ഇത് ഞാൻ അഭിനയിച്ച 60 ലേറെ ചിത്രങ്ങളുടെ പട്ടികയാണ് - പ്രിയങ്ക ട്വിറ്ററിൽ കുറിച്ചു.