വാഷിംഗ്​ടൺ: അമേരിക്കൻ സംസ്ഥാനമായ ജോർജിയയിലുണ്ടായ വെടിവയ്പ്പിൽ ആറ്​ സ്​ത്രീകളുൾപ്പടെ എട്ട്​ പേർ കൊല്ലപ്പെട്ടു. മൂന്ന്​ സ്​പാകളിലാണ്​ വെടിവയ്പ്പുണ്ടായതെന്നാണ് റിപ്പോർട്ടുകൾ​. പ്രതിയെന്ന്​ സംശയിക്കുന്ന 21കാരനെ പൊലീസ്​ കസ്റ്റഡിയിലെടുത്തു​. ആക്രമണത്തിന്റെ കാരണമെ​ന്തെന്ന്​ വ്യക്തമല്ല. അറ്റ്​ലാന്റ പൊലീസിന്റെ റിപ്പോർട്ട്​ പ്രകാരം മരിച്ച നാല്​ സ്​ത്രീകൾ ഏഷ്യൻ വംശജരാണെന്നാണ്​ സൂചന. ആക്രമണത്തിന്റെ ഉത്തരവാദിത്വം ഇതുവരെ ആരും ഏറ്റെടുത്തിട്ടില്ലെന്ന് പൊലീസ്​ വ്യക്​തമാക്കി.