ന്യൂഡൽഹി: ഇന്ത്യയിൽ വീണ്ടും കൊവിഡ് വ്യാപനം രൂക്ഷമാകുന്നു. ഇന്നലെ മാത്രം 35,886 പേർക്കാണ് രോഗം സ്ഥിരീകരിച്ചത്. ഇതോടെ ആകെ രോഗബാധിതരുടെ എണ്ണം 1,14,74,302 ആയി ഉയർന്നു. നിലവിൽ 2.49 ലക്ഷം പേരാണ് ചികിത്സയിലുള്ളത്.

102 ദിവസത്തിന് ശേഷം ആദ്യമായിട്ടാണ് പ്രതിദിനം ഇത്രയധികം കേസുകൾ റിപ്പോർട്ട് ചെയ്യുന്നത്. ഒരു കോടി പത്ത് ലക്ഷം പേർ രോഗമുക്തി നേടി. 1.59 ലക്ഷം പേരാണ് കൊവിഡ് മൂലം മരണമടഞ്ഞത്. മഹാരാഷ്ട്രയിലാണ് കഴിഞ്ഞ ദിവസം ഏറ്റവും കൂടുതൽ പേർക്ക് വൈറസ് ബാധ റിപ്പോർട്ട് ചെയ്തത്.

മഹാരാഷ്ട്രയിൽ 23,179 പേർക്കാണ് ഇന്നലെ രോഗം സ്ഥിരീകരിച്ചത്. മാർച്ച് ഒന്ന് മുതലാണ് രാജ്യത്ത് പ്രതിദിന കേസുകൾ വർദ്ധിക്കാൻ തുടങ്ങിയത്.കേരളത്തിൽ ഇന്നലെ 2098 പേർക്കാണ് കൊവിഡ് സ്ഥിരീകരിച്ചത്.

ലോകത്ത് കൊവിഡ് ബാധിതരുടെ എണ്ണം ഒരു കോടി ഇരുപത്തിയൊന്ന് ലക്ഷം പിന്നിട്ടു. 26.92 ലക്ഷം പേർ മരണമടഞ്ഞു.ഒൻപതുകോടി എൺപത്തിരണ്ട് ലക്ഷം പേർ രോഗമുക്തി നേടി. അമേരിക്ക, ബ്രസീൽ, ഇന്ത്യ, റഷ്യ, ബ്രിട്ടൻ എന്നീ രാജ്യങ്ങളിലാണ് ഏറ്റവും കൂടുതൽ രോഗികളുള്ളത്.