വാഷിംഗ്ടൺ: അമേരിക്കൻ വൈസ് പ്രസിഡന്റ് കമല ഹാരിസിന്റെ ഔദ്യോഗിക വസതിക്ക് സമീപത്തുനിന്ന് ആയുധധാരിയെ പിടികൂടി. ടെക്സാസ് സ്വദേശിയായ പോൾ മുറെയെയാണ് പൊലീസ് പിടിയിലായത്.വൈസ് പ്രസിഡന്റിന്റെ ഔദ്യോഗിക വസതിയായ നേവൽ ഒബ്സർവേറ്ററിക്ക് സമീപം പാർക്ക് ചെയ്തിരുന്ന ഇയാളുടെ വാഹനത്തിൽനിന്ന് തോക്കും വെടിയുണ്ടകളും വാഷിംഗ്ടൺ പൊലീസ് കണ്ടെടുത്തു. രഹസ്യവിവരത്തിന്റെ അടിസ്ഥാനത്തിൽ നടത്തിയ പരിശോധനക്കിടെയാണ് ഇയാൾ പിടിയിലാകുന്നത്. അപകടകരമായ ആയുധങ്ങളും തോക്കും കൈവശം വച്ചതിനും പോളിനെതിരെ കേസ് ചുമത്തിയിട്ടുണ്ട്.