വാഷിംഗ്ടൺ: അമേരിക്കൻ പ്രസിഡന്റ് ജോ ബൈഡൻ എയർഫോഴ്​സ്​ വൺ വിമാനത്തിലേക്ക്​ കയറുന്നതിനിടെ ഒന്നിലേറെ തവണ കോണിപ്പടിയിൽ കാലിടറി വീണു. വാഷിംഗ്ടണിൽനിന്ന്​

അറ്റ്​ലാന്റയിലേക്ക് പോകാൻ വിമാനം കയറുന്നതിനിടെയാണ്​ സംഭവം. സുരക്ഷ ഉ​ദ്യോഗസ്​ഥരുടെ സല്യൂട്ട് സ്വീകരിച്ച ശേഷമാണ്​ ബൈഡൻ കോണിപ്പടി കയറുന്നത്​. അതിവേഗത്തിലായിരുന്നു അദ്ദേഹം നടന്നത്. കോണിപ്പടിയിലെ കമ്പിയിൽപ്പിടിച്ചാണ്​ കയറിയതെങ്കിലും പകുതി ദൂരമെത്തിയപ്പോൾ കാല്​ തെന്നുകയായിരുന്നു. എണീറ്റെങ്കിലും വീണ്ടും വീണു. നിവരാൻ ശ്രമിക്കുന്നതിനിടെ അടുത്തപടിയിലും തെന്നി​ മുട്ടുകുത്തി വീണു​. എന്നാൽ, പാന്റിലെ പൊടി​ കൈകൊണ്ട്​ തട്ടി അദ്ദേഹം വേഗത്തിൽ ഓടിക്കയറി. അതേമസയം, ബൈഡന്​ പ്രശ്​നങ്ങളൊന്നുമി​ല്ലെന്നും അദ്ദേഹം സുഖമായിരിക്കുന്നുവെന്നും ഡെപ്യൂട്ടി പ്രസ് സെക്രട്ടറി കരീൻ ജീൻ പിയറി മാദ്ധ്യമപ്രവർത്തകരോട് പറഞ്ഞു.