തിരുവനന്തപുരം കിഫ്ബിക്കെതിരെ ആദായ നികുതിവകുപ്പും ഇഡിയും അന്വേഷണം തുടങ്ങിയതിന് പിന്നാലെ വിമർശനവുമായി ധനമന്ത്രി തോമസ് ഐസക്.. ഇൻകം ടാക്സിന്റെയും ഇഡിയുടെയും വിരട്ടൽ വേണ്ടെന്നും അതൊക്കെ അങ്ങ് ഉത്തരേന്ത്യയിൽ മതിയെന്നും തോമസ് ഐസക് പറഞ്ഞു. ഇങ്ങോട്ട് കേസെടുത്താൽ അങ്ങോട്ടും കേസെടുക്കുമെന്നും തോമസ് ഐസക്ക് മുന്നറിയിപ്പ് നൽകി.

വിദ്യാഭ്യാസ മേഖലയിൽ കിഫ്ബി പദ്ധതികൾ നടപ്പാക്കുന്നത് കേരള ഇൻഫ്രാസ്ട്രകച്ചർ ആന്റ് ടെക്‌നോളജി ഫോർ എഡ്യൂക്കേഷൻ മുഖേനയാണ്. കൈറ്റ് വഴി അഞ്ചുവർഷം കിഫ്ബി ഫണ്ടുപയോഗിച്ച് നടപ്പിലാക്കിയ പദ്ധതികളുടെ വിശദാംശങ്ങൾ അറിയിക്കാനാണ്നോ ആദായ നികുതി വകുപ്പ് നോട്ടീസ് നൽകിയത്..

കരാറുകർക്ക് എത്ര പണം നൽകി. നികുതി പണം എത്ര അടച്ച് തുടങ്ങിയ വിവരങ്ങൾ ഈ മാസം 25നകം നൽകണമെന്നാണ് നോട്ടീസ്. കേന്ദ്രാനുമതിയില്ലാതെ വിദേശ വായ്പ വാങ്ങിയെന്ന ആരോപണത്തിൽ എൻഫോഴ്സ്മെന്റ് അന്വേഷണം തുടരുകയാണ്. കിഫ്ബി സി.ഇ.ഒക്ക് എൻഫോഴ്സ്മെന്റ് നോട്ടീസ് നൽകിയെങ്കിലും ഹാജരായില്ല.