കണ്ണൂർ: അഞ്ചുവർഷം എൽ.ഡി.എഫും യു.ഡി.എഫും മാറിമാറി ഭരിക്കുന്ന കാലം കഴിഞ്ഞെന്നും കേരളത്തിൽ മൂന്നാമതൊരു ശക്തികൂടി ഉയർന്നുവരുന്നുണ്ടെന്ന് കോൺഗ്രസ് വർക്കിംഗ് പ്രസിഡന്റ് കെ.സുധാകരൻ എം.പി പറഞ്ഞു. ഇരിക്കൂറിൽ നടന്ന കോൺഗ്രസ് തിരഞ്ഞെടുപ്പ് കൺവെൻഷനിൽ സംസാരിക്കുകയായിരുന്നു അദ്ദേഹം... ഡിഎഫിന് ഇത് നിർണായകമായ തിരഞ്ഞെടുപ്പാണെന്നും പരാജയപ്പെട്ടാൽ അത് ബി.ജെ.പിയെ ശക്തിപ്പെടുത്തുമെന്നും കെ.സുധാകരൻ മുന്നറിയിപ്പ് നൽകി.

ഇത്തവണത്തേത് നിർണായകമായ തിരഞ്ഞെടുപ്പാണ്. എല്ലാ കാലവും ഞാനും നിങ്ങളും പറയും അഞ്ച് വർഷം യു..ഡി..എഫ് അഞ്ച് വർഷം എൽ..ഡി..എഫ് എന്ന്. ഇക്കുറി അങ്ങനെ ആണെന്ന് കരുതരുത്. കേരളത്തിന്റെ രാഷ്ട്രീയ സ്വഭാവം മാറികൊണ്ടിരിക്കുകയാണ്. ഇവിടെ മൂന്നാമതൊരു പ്രസ്ഥാനം ഉയർന്നുവരുന്നുണ്ട്. പക്ഷേ അവർ ശക്തരല്ല. എന്നാൽ അവർ ശക്തരാകുന്ന നടപടിയിലേക്ക് യു..ഡി..എഫിന്റെ പരാജയം നയിക്കുമെന്ന ഓർമ ഓരോരുത്തർക്കും വേണം. ജയിക്കണം. അധികാരത്തിലേക്ക് തിരിച്ച് വരണമെന്ന് സുധാകരൻ പറഞ്ഞു.

യുഡിഎഫ് അധികാരത്തിലെത്തിയാൽ പിണറായി വിജയൻ കൽതുറുങ്കിലേക്ക് പോകുമെന്നകാര്യം ഉറപ്പാണെന്നും അദ്ദേഹം പ്രസംഗത്തിൽ പറഞ്ഞു.