മലപ്പുറം : മലപ്പുറം ലോക്‌സഭാ തിരഞ്ഞെടുപ്പിലെ യു.ഡി.എഫ് സ്ഥാനാർത്ഥി അബ്ദു സമദ് സമദാനിയുടെ വീഡിയോയിൽ കൃത്രിമം നടത്തി പ്രചരിപ്പിക്കുന്നതായി പരാതി.സമദാനിയുടെ തിരഞ്ഞെടുപ്പ് പ്രചാരണ പ്രസംഗ വീഡിയോയിൽ സാമ്യമായ ശബ്ദം ഉപയോഗിച്ച് കാന്തപുരം എ പി അബൂബക്കർ മുസലിയാരെ അപകീർത്തിപ്പെടുത്തുന്ന തരത്തിലാക്കി പ്രചരിപ്പിക്കുന്നതായാണ് പരാതി. ഇത് സംബന്ധിച്ച് സംസ്ഥാന തിരഞ്ഞെടുപ്പ് കമ്മിഷണർ, മലപ്പുറം ജില്ലാ പൊലീസ് സൂപ്രണ്ട്, റിട്ടേണിംഗ് ഓഫീസർ കൂടിയായ മലപ്പുറം ജില്ലാ കളക്ടർ എന്നിവർക്ക് യു.ഡി.എഫ് പരാതി നൽകി.