ശ്രീനഗർ: ജമ്മു കാശ്മീരിൽ ഭീകരരും സുരക്ഷാസേനയും തമ്മിൽ നടന്ന ഏറ്റുമുട്ടലിൽ നാല് ലഷ്കർ - ഇ - തയ്ബ ഭീകരരെ സൈന്യം വധിച്ചു. ഷോപ്പിയാനിലെ മുനിഹൽ മേഖലയിൽ ഇന്നലെ പുലർച്ച രണ്ട് മണിയോടെയാണ് ആരംഭിച്ചത്. ഏറ്റുമുട്ടലിനിടെ ഒരു ജവാന് പരിക്കേറ്റിരുന്നു. പ്രദേശത്ത് ഭീകരർ ഒളിച്ചിരിക്കുന്നെന്ന വിവരം ലഭിച്ചതിനെ തുടർന്ന് സുരക്ഷാസേന തെരച്ചിൽ നടത്തുകയായിരുന്നു. ഭീകരർ സേനയ്ക്ക് നേരെ വെടിയുതിർത്തു. തുടർന്ന്, സൈന്യം പ്രത്യാക്രമണം നടത്തുകയായിരുന്നു. ഭീകരരുടെ പക്കൽ നിന്ന് ആയുധങ്ങളും പിടിച്ചെടുത്തു.