ഒരു ഗ്ലാസ് നാരങ്ങാവെള്ളം രാവിലെ വെറുംവയറ്റില്‍ കുടിക്കുന്നത് ആരോഗ്യവും ദഹനവും മെച്ചപ്പെടുത്താന്‍ സഹായിക്കുന്നു. ഒരു നാരങ്ങയില്‍ 31 മില്ലിഗ്രാം വിറ്റാമിന്‍ സി ഉണ്ട്, ശരീരത്തിന്റെ ദൈനംദിന ആവശ്യത്തിന്റെ 51ശതമാനം വിറ്റാമിന്‍ സി വരെ ഇങ്ങനെ ലഭിക്കും. വിറ്റാമിന്‍ സി അടങ്ങിയ ഭക്ഷണങ്ങള്‍ ഹൃദയാരോഗ്യത്തെ സംരക്ഷിക്കും.
ഇത് ധമനികളിലെ തടസം നീക്കാനും ശരീരത്തിൽ കൊഴുപ്പ് അടിയുന്നത് തടയാനും ഹൃദ്രോഗങ്ങള്‍, ഹൃദയാഘാതം എന്നിവ കുറയ്ക്കാനും സഹായിക്കുന്നു. നാരങ്ങയിലെ സിട്രിക് ആസിഡ് വൃക്കയിലെ കല്ലുകള്‍ അലിയിക്കുന്നതിനും സഹായിക്കും.
ശരീരത്തിലെ മാലിന്യങ്ങള്‍ ശുദ്ധീകരിച്ച് വിഷവസ്തുക്കളെ നീക്കം ചെയ്യും. പ്രതിരോധശേഷി വര്‍ദ്ധിപ്പിക്കുകയും ശരീരഭാരം നിയന്ത്രിക്കാനും ഉത്തമം. ശൈത്യകാലത്ത് ശരീരത്തിൽ ജലാംശം നിലനിറുത്തുന്നു. ചൂട് കൂടിയ വെള്ളം ഉപയോഗിച്ച് നാരങ്ങ വെള്ളം തയ്യാറാക്കരുത്. അള്‍സര്‍ രോഗികളും വയറിന് മറ്റ് അസുഖങ്ങള്‍ ഉള്ളവരും ഒഴിവാക്കുക.