ബിഗ് ബോസ് മൂന്നാം സീസണിലെ മത്സരാർത്ഥിയാണ് നടിയും ഡബ്ബിംഗ് ആർട്ടിസ്റ്റുമായ ഭാഗ്യലക്ഷ്മി. കഴിഞ്ഞ ദിവസം ഭാഗ്യലക്ഷ്മിയെ തേടിയെത്തിയത് മുൻ ഭർത്താവ് രമേശ് കുമാറിന്റെ മരണവാർത്തയാണ്.കൺഫെഷൻ റൂമിലേക്ക് വിളിച്ചുവരുത്തി ബിഗ് ബോസാണ് ഇക്കാര്യം അവരെ അറിയിച്ചത്.

മുൻ ഭർത്താവിന്റെ വിയോഗ വാർത്ത അറിയിക്കുന്നതിനൊപ്പം നാട്ടിൽ പോകണമോയെന്നും ബിഗ് ബോസ് ചോദിച്ചു. കുറച്ചുനാളായി അദ്ദേഹം അസുഖബാധിതനാണെന്നും, മത്സരത്തിൽ പങ്കെടുക്കാൻ വരുന്നതിന് മുൻപ് പോയി കണ്ടിരുന്നെന്നും ഭാഗ്യലക്ഷ്മി പറഞ്ഞു. അതോടൊപ്പം തങ്ങൾ വിവാഹ മോചിതരായതുകൊണ്ട് തന്നേക്കാളും അവിടെ മക്കളുടെ സാന്നിദ്ധ്യമാണ് അവിടെ വേണ്ടതെന്നും അവർ പറഞ്ഞു.

മക്കളോട് സംസാരിക്കാനുള്ള അവസരം ഒരുക്കണമെന്നും ബിഗ്‌ബോസിനോട് ഭാഗ്യലക്ഷ്മി ആവശ്യപ്പെട്ടു. ഇത് അദ്ദേഹം അനുവദിക്കുകയും ചെയ്തു. 1985ലായിരുന്നു ഭാഗ്യലക്ഷ്മിയുടെയും രമേശ് കുമാറിന്റെയും വിവാഹം. ദമ്പതികൾ പിന്നീട് വേർപിരിഞ്ഞു. രണ്ട് മക്കളുണ്ട്.