കെയ്​റോ: ലോകത്തിലെ ഏറ്റവും തിരിക്കേറിയ കപ്പൽ പാതകളിൽ ഒന്നായ സൂയസ് കനാൽ വഴിമുടക്കി 400 മീറ്റർ നീളത്തിൽ 59 മീറ്റർ വീതിയിൽ ലോകത്തെ ഏറ്റവും വലിയ ചരക്കു കപ്പലുകളിലൊന്നായ 'എവർഗ്രീൻ'.കാറ്റിലുലഞ്ഞ്​ സൂയസ്​ തുറമുഖത്തിനു സമീപം വിലങ്ങനെ കപ്പിൽ നിലംതൊട്ടുനിന്നു. ഇരുവശത്തും നീങ്ങുകയായിരുന്ന 100 ലേറെ കപ്പലുകൾ അതോടെ സഞ്ചരിക്കാനാവാതെ പാതിവഴിയിൽ നിറുത്തിയിട്ടു. ചെങ്കടലിനും മെഡിറ്ററേനിയൻ കടലിനുമിടയിലെ ഏക കപ്പൽ ചാലാണ്​ സൂയസ്​ കനാൽ.

ജപ്പാനിലെ ഷൂയി ​കിസെൻ ​കയ്​ഷ ലിമിറ്റഡിന്റെ ഉടമസ്ഥതിയിലുള്ള കപ്പലാണിത്.ടഗ്​ ബോട്ടുകളുപയോഗിച്ച്​ കപ്പൽ നീക്കാനുള്ള ശ്രമം തുടരുകയാണ്​. ഇതിന് ദിവസ​ങ്ങളെടുത്തേക്കും. ചൈനയിൽനിന്ന്​ നെതർലൻഡ്​സിലെ റോട്ടർഡാമിലേക്ക്​ പുറപ്പെട്ടതായിരുന്നു 'എവർഗ്രീൻ'. ജീവനക്കാർക്ക്​ പരിക്കില്ല.

തത്​കാലത്തേക്ക് സൂയസ്​ കനാലിന്റെ പഴയ പാത തുറന്നുനൽകിയിട്ടുണ്ടെങ്കിലും കപ്പൽ ഗതാഗതം പഴയ പടി ആകുമെന്ന്​ ഉറപ്പില്ല.