കാസർകോട്: മഞ്ചേശ്വരത്ത് നാട്ടുകാരെ അക്രമികൾ തോക്ക് ചൂണ്ടി ഭീഷണിപ്പെടുത്തിയത് അന്വേഷിച്ചെത്തിയ പൊലീസ് സംഘത്തിന് നേരെ വെടിവയ്‌പ്പ്. മഞ്ചേശ്വരം മിയാപദവിൽ രാത്രി 9.30ഓടെയായിരുന്നു സംഭവം. നാട്ടുകാരെ തോക്ക് ചൂണ്ടി ഭീഷണിപ്പെടുത്തിയ അക്രമികൾ ഇതിനുശേഷം വാഹനം ഉപേക്ഷിച്ച് കടന്നുകളഞ്ഞു.

അക്രമികൾ വന്ന വാഹനം പരിശോധിച്ച ശേഷം പൊലീസ്‌ സ്‌റ്റേഷനിലേക്ക് കൊണ്ടുവരുമ്പോഴാണ് പൊലീസിന് നേരെ വെടിവയ്‌പ്പുണ്ടായത്. രണ്ട് റൗണ്ട് വെടിവയ്‌പ്പിൽ വാഹനത്തിന് കേടുപാട് സംഭവിച്ചു. എന്നാൽ പൊലീസുകാർക്ക് പരിക്കില്ല.