ന്യൂഡൽഹി: പ്രധാനമന്ത്രി നരേന്ദ്രമോദിക്കെതിരെയുള്ള ട്വീറ്റിൽ ക്ഷമ ചോദിച്ച് കോൺഗ്രസ് നേതാവ് ശശി തരൂർ എം.പി. ബംഗ്ലാദേശ് രൂപീകരണത്തിൽ മുഖ്യപങ്കാളിയായിരുന്ന മുൻ പ്രധാനമന്ത്രി ഇന്ദിരാഗന്ധിയുടെ പേര് മോദി പ്രസംഗത്തിൽ പരാമർശിച്ചില്ല എന്ന് ചൂണ്ടിക്കാട്ടിയായിരുന്നു തരൂരിന്റെ വിമർശനം.

International education: our PM is giving Bangladesh a taste of Indian “fake news”. The absurdity is that everyone knows who liberated Bangladesh. https://t.co/ijjDRbszVd

— Shashi Tharoor (@ShashiTharoor) March 26, 2021

തെറ്റുപറ്റിയതായി ബോദ്ധ്യപ്പെട്ടാൽ അത് അംഗീകരിക്കുന്നതിന് തനിക്കു മടിയില്ല. ഇന്നലെ തലക്കെട്ടുകളുടെയും ചില ട്വീറ്റുകളുടെയും അടിസ്ഥാനത്തിലാണ് പ്രധാനമന്ത്രിയെ വിമർശിച്ച് പോസ്റ്റിട്ടത്. ബംഗ്ലാദേശിനെ വിമോചിപ്പിച്ചത് ആരാണെന്ന് എല്ലാവർക്കും അറിയാം എന്നായിരുന്നു ട്വീറ്റ്. ഇന്ദിരാ ഗാന്ധിയെ മോദി ഒഴിവാക്കി എന്നായിരുന്നു അതിന്റെ വ്യംഗ്യാർത്ഥം. അതിൽ ക്ഷമ ചോദിക്കുന്നുവെന്നും തരൂർ ട്വീറ്ററിൽ കുറിച്ചു.

I don't mind admitting when I'm wrong. Yesterday, on the basis of a quick reading of headlines &tweets, I tweeted "everyone knows who liberated Bangladesh," implying that @narendramodi had omitted to acknowledge IndiraGandhi. It turns out he did: https://t.co/YE5DMRzSB0 Sorry!

— Shashi Tharoor (@ShashiTharoor) March 27, 2021