കുറ്റിപ്പുറം: നിയമസഭ തിരഞ്ഞെടുപ്പിൽ കനത്ത പോരാട്ടം നടക്കുന്ന മണ്ഡലമാണ് തവനൂർ. എൽ ഡി എഫ് സ്ഥാനാർത്ഥിയായ മന്ത്രി കെ ടി ജലീലിനെതിരെ ചാരിറ്റി പ്രവർത്തകനായ ഫിറോസ് കുന്നംപറമ്പിലിനെ യു ഡി എഫ് രംഗത്തിറക്കിയതോടെയാണ് മണ്ഡലത്തിൽ മത്സരം കടുത്തത്. ജലീലിന്റെ തിരഞ്ഞെടുപ്പ് പ്രചാരണ വീഡിയോ ഇപ്പോൾ സോഷ്യൽ മീഡിയയിൽ വൈറലായിക്കൊണ്ടിരിക്കുകയാണ്.

വോട്ടുതേടിയെത്തിയ മന്ത്രിയോട് ഫിറോസിക്ക വരില്ലേയെന്ന് ഒരു കുട്ടി ചോദിക്കുന്നതാണ് വീഡിയോയിലുള്ളത്. ചോദ്യം കേട്ട മന്ത്രിയും കൂടെയുള്ളവരും പൊട്ടിച്ചിരിക്കുകയായിരുന്നു. തുടർന്ന് കുട്ടിയുടെ ചോദ്യത്തിനുള്ള മറുപടിയും മന്ത്രി നൽകി. വരും വരും എന്ന് പറഞ്ഞാണ് ജലീൽ പോകുന്നത്.