കൊൽക്കത്ത: തൃണമൂൽ സംസ്ഥാന സമിതി അംഗം ഛത്രാധർ മഹാതോവിനെയാണ്​ ഝർഗ്രാം ജില്ലയിലെ ലാൽഗഢിലെത്തി ദേശീയ അന്വേഷണ സംഘം അറസ്റ്റ്​ ചെയ്തു. ആഴ്ചയിൽ മൂന്നു ദിവസം എൻ.ഐ.എക്കു മുമ്പാകെ ഹാജരാകണമെന്ന ഉത്തരവ്​ പാലിക്കാത്തതാണ്​ അറസ്റ്റിനു വഴിവച്ചതെന്നാണ്​ സൂചന. മഹാതോ ഉറങ്ങുന്ന സമയത്ത്​ 40 ഓളം പേരടങ്ങുന്ന സംഘമെത്തി കസ്റ്റഡിയിലെടുക്കുകയായിരുന്നുവെന്നാണ്​ റിപ്പോർട്ട്​. കുടുംബം അറസ്റ്റ്​ വാറന്റ്​ കൈപ്പറ്റാൻ വിസമ്മതിച്ചതിനെ തുടർന്ന്​ വലിച്ചിഴച്ചാണ്​ വാഹനത്തിലെത്തിച്ചതെന്ന്​ അദ്ദേഹത്തിന്റെ അഭിഭാഷകൻ കൗശിക്​ സിൻഹ പറയുന്നു. സംഘഷർത്തിനിടെ പൊലീസുകാരന്​ പരിക്കേറ്റു. 2009ൽ ലാൽഗഢിലെ മാവോവാദി കലാപത്തിനിടെ സി.പി.എം നേതാവ്​ പ്രബീർ ഘോഷ്​ കൊല്ലപ്പെട്ട സംഭവത്തിലുൾപെടെ നിരവധി കേസുകളിൽ പ്രതി ചേർക്കപ്പെട്ടയാളാണ്​ മഹാതോ. അന്ന്​ അറസ്റ്റിലായ മഹാതോയെ വിട്ടയക്കാൻ മാവോയിസ്റ്റുകൾ ഭുവനേശ്വർ രാജ്​ധാനി എക്​സ്​പ്രസ്​ തട്ടിക്കൊണ്ടുപോകാൻ ശ്രമം നടത്തിയിരുന്നു. ഇദ്ദേഹത്തിനെതിരെ യു.എ.പി.എയും ചുമത്തപ്പെട്ടിരുന്നു.