കോയമ്പത്തൂർ: സി.പി.ഐ.എമ്മിനെതിരെയും സീതാറാം യെച്ചൂരിക്കെതിരെയും വിമർശനവുമായി മക്കൾ നീതി മയ്യം നേതാവും ചലച്ചിത്ര താരവുമായ കമൽഹാസൻ. നിരവധി തവണ ഇടത്​ പാർട്ടികളുമായി സഖ്യത്തിന്​ ശ്രമിച്ചെങ്കിലും തന്റെ രാഷ്​ട്രീയ പ്രവേശനത്തെ സീതാറാം യെച്ചൂരി വിലകുറച്ചുകണ്ടെന്ന് കമൽ പറഞ്ഞു. ഡി.എം​.കെയിൽ നിന്നും 25 കോടി വാങ്ങിയാണ്​ സി.പി.ഐ.എം മുന്നണിയിൽ ചേർന്നതെന്നും റൊട്ടിയും ബണ്ണും മാത്രം ആഗ്രഹിക്കുന്ന സഖാക്കൾ ഇങ്ങനെ ആയതിൽ വിഷമമുണ്ടെന്നും സ്റ്റാലിനെ വിശ്വാസിക്കാൻ കഴിയില്ലെന്നും കമൽ പറഞ്ഞു. നേരത്തേ കേരള സർക്കാറിനെയും മുഖ്യമന്ത്രി പിണറായി വിജയനെയും പുകഴ്​ത്തി കമൽ ഹാസൻ പലകുറി രംഗത്ത്​ വന്നിരുന്നു