കോഴിക്കോട്: സർവേഫലങ്ങളിൽ യു.ഡി.എഫിന് ആശങ്കയില്ലെന്നും നിയമസഭാ തിരഞ്ഞെടുപ്പിൽ യു.ഡി.എഫ് നൂനൂറ് സീറ്റെങ്കിലും നേടുമെന്നും കെ.പി.സി.സി അദ്ധ്യക്ഷൻ മുല്ലപ്പള്ളി രാമചന്ദ്രൻ പറഞ്ഞു.. സ്ഥാനാർത്ഥി പട്ടികയിൽ പൂർണ്ണ തൃപ്തിയില്ലെന്ന് മുല്ലപ്പള്ളി വ്യക്തമാക്കി അതിനെക്കുറിച്ചുള്ള കാര്യങ്ങൾ പിന്നീട് വെളിപ്പെടുത്തുമെന്നും പരാതികൾ പറയേണ്ട വേദിയിൽ അവതരിപ്പിക്കുമെന്നും മുല്ലപ്പള്ളി പറഞ്ഞു.

വടകരയിലെ കെ കെ രമയുടെ സ്ഥാനാർത്ഥിത്വത്തിൽ യാതൊരു എതിർപ്പുമില്ല. രമയെ കോൺഗ്രസ് പ്രവർത്തകർ ഏറ്റെടുത്ത് കഴിഞ്ഞു. രമ സ്ഥാനാർത്ഥി ആകണമെന്ന് താൻ നേരത്തെ ആഗ്രഹിച്ചിരുന്നതായും മുല്ലപ്പള്ളി വ്യക്തമാക്കി. സുകുമാരൻ നായർ പൊറുത്താലും പിണറായിയോട് നായർ സമുദായം പൊറുക്കില്ലെന്നും മുല്ലപ്പള്ളി പറഞ്ഞു.