യങ്കൂൺ: മ്യാൻമറിൽ നിരപരാധികളെ കൊന്നൊടുക്കുന്നത് തുടർന്ന് സൈന്യം. മ്യാൻമറിലെ തെക്ക് കിഴക്കൻ പ്രദേശമായ പൂപ്പനിൽ ജനവാസ മേഖലയിൽ സൈന്യം വ്യോമാക്രമണം നടത്തി. ദ കരേൻ നാഷണൽ യൂണിയന്റെ നിയന്ത്രണത്തിലുള്ള പ്രദേശമാണിത്. ആക്രമണത്തെത്തുടർന്ന് നിരവധി പേർ സുരക്ഷിത സ്ഥാനങ്ങളിലേക്ക് പലായനം ചെയ്യാൻ തുടങ്ങി. മ്യാൻമറിലെ മുഖ്യനഗരങ്ങളിൽ നിന്ന് പലായനം ചെയ്തവർക്ക് . ദ കരേൻ നാഷണൽ യൂണിയൻ അഭയം നൽകിയിരുന്നു. ഇതിനെത്തുടർന്നാണ് സൈനിക നടപടി എന്നാണ് സൂചന. വ്യോമാക്രമണത്തിൽ രണ്ട് പ്രദേശ വാസികൾ മരണമടഞ്ഞു. നിരവധി പേർക്ക് പരിക്കേറ്റിട്ടുണ്ട്. മ്യാ​ന്മ​റി​ൽ പട്ടാള അ​ട്ടി​മ​റി​ക്കെതിരെ പ്ര​തി​ഷേ​ധിച്ചവർക്ക്​ നേരെ ന​ട​ന്ന സൈനിക അ​തി​ക്ര​മ​ങ്ങ​ളി​ൽ കഴിഞ്ഞ ദിവസം 114 പേരെക്കൂടി സൈന്യം കൊന്നൊടുക്കിയിരുന്നു. ഇതോടെ സൈനിക നടപടികളിൽ മരണമടഞ്ഞവരുടെ ആകെ എണ്ണം 350 കടന്നു.രാ​ഷ്​​ട്രീ​യ പ്ര​വ​ർ​ത്ത​ക​രും കു​ട്ടി​ക​ളും സ്​​ത്രീ​ക​ളും രാ​ജ്യ​ത്ത് വിവിധ ഭാഗങ്ങളിൽ പ്രതിഷേധ പരിപാടികളിലേക്കാണ് പട്ടാളം വെടിവെച്ചത്. മ്യാൻമറിലെ പ്രധാന നഗരങ്ങളിലൊന്നായ മണ്ടാലെയിൽ 13 വയസുള്ള പെൺകുട്ടിയടക്കം 40 പേരാണ് മരിച്ചത്. വാണിജ്യ കേന്ദ്രമായ യാങ്കോണിൽ 27 പേർ കൊല്ലപ്പെട്ടുവെന്നും റിപ്പോർട്ടുണ്ട്. ഫെ​​ബ്രു​വ​രി ഒ​ന്നി​ലെ പട്ടാള അ​ട്ടി​മ​റി​ക്ക്​ ശേഷം പ്രതിഷേധക്കാർക്ക് നേരെ നടക്കുന്ന വലിയ അതിക്രമമാണിത്. മാ​ർ​ച്ച്​ 14ന് നടന്ന പട്ടാള അതിക്രമങ്ങളിൽ​ എൺപതോളം പേ‌ർ കൊല്ലപ്പെട്ടിരുന്നു. സാ​യു​ധ സേ​നാ ദി​ന​ത്തി​ന്​ മു​ന്നോ​ടി​യാ​യി ന​ട​ത്തി​യ പ്ര​സം​ഗ​ത്തി​ൽ തീ​വ്ര​വാ​ദം രാ​ജ്യ​സു​ര​ക്ഷ​ക്ക്​ ഭീ​ഷ​ണി​യാ​ണെ​ന്നും അം​ഗീ​ക​രി​ക്കാ​നാ​വി​ല്ലെ​ന്നും സൈ​നി​ക മേ​ധാ​വി ക​മാ​ൻ​ഡ​ർ ഇ​ൻ ചീ​ഫ്​ സീ​നി​യ​ർ ജ​ന​റ​ൽ മി​ൻ ആ​ങ്​ ലെ​യ്​​ങ്​ വ്യ​ക്ത​മാ​ക്കി​യി​രു​ന്നു. കുട്ടികളടക്കമുള്ളവർക്കെതിരെ നടക്കുന്ന അക്രമങ്ങൾക്കെതിരെ രാജ്യാന്തര സമൂഹം രൂക്ഷ വിമർശനമാണ് ഉയർത്തുന്നത്. മ്യാന്മറിലെ അട്ടിമറിയ്ക്ക് ഉത്തരവാദികളായവർക്കെതിരെ യൂറോപ്യൻ യൂണിയനും അമേരിക്കയുമടങ്ങുന്ന രാജ്യങ്ങൾ ഉപരോധം ഏർപ്പെടുത്തിയിരുന്നു. എന്നാൽ റഷ്യയും ചൈനയും മ്യാന്മറിലെ പട്ടാള ഭരണത്തെ പിന്തുണയ്ക്കുകയാണ്..