ഹി​റ്റ് ​പാ​ട്ടും​ ​മ​രു​ന്നും​ ​കു​റി​ക്കു​ന്ന​ ​യു​വ​ഗാ​ന ​ര​ച​യി​താവ് ​മ​നു​ ​മ​ഞ്ജി​ത്തി​ന്റെ വി​ശേ​ഷ​ങ്ങൾ

കോ​ഴി​ക്കോ​ട് ​ഉ​ള്ളി​യേ​രി​ക്ക​ടു​ത്ത് ​കു​ന്ന​ത്ത​റ​യി​ൽ​ ​'​അ​നു​ഗ്ര​ഹ​"​എ​ന്ന​ ​വീ​ട് ​പാ​ട്ടു​ ​ഫാ​ക്ട​റി​യാ​ണ്.​ ​മ​ല​യാ​ള​ ​സി​നി​മ​യി​ൽ​ ​സ​മീ​പ​കാ​ല​ത്തു​ണ്ടാ​യ​ ​ഹി​റ്ര് ​പാ​ട്ടു​ക​ൾ​ ​എ​ല്ലാം​ ​ഇ​വി​ടെ​യാ​ണ് ​പി​റ​ന്ന​ത്.​ ​മ​ന്ദാ​ര​മേ​ ​എ​ന്ന​ ​വെള്ള ​പു​ഷ്പ​ത്തി​ന്റെ​ ​ച​ന്തം​ ​വാ​രി​ ​ചൂ​ടി​യ​ ​പാ​ട്ടു​ത​ന്നു​കൊ​ണ്ടാ​ണ് ​യു​വ​ഗാ​ന​ര​ച​യി​താ​വ് ​മ​നു​മ​ഞ്ജി​ത് ​ആ​സ്വാ​ദ​ക​ഹൃ​ദ​യ​ങ്ങ​ളി​ൽ​ ​ത​ന്റേ​താ​യ​ ​ഒ​രി​ടം​ ​ഉ​റ​പ്പി​ച്ച​ത്.​മ​നു​ ​മ​ഞ്ജി​ത്തി​ന്റെ​ ​ര​ച​ന​യി​ൽ​ ​നി​റ​ഞ്ഞ​ ​പൊ​ന്നി​ൻ​ക​ണി​ക്കൊ​ന്ന​യും​ ​തി​രു​വാ​വ​ണി​രാ​വും​ ​പാ​ട്ടി​ന്റെ​ ​മൃ​ദു​ല​മാ​യ​ ​ഈ​ണം​ ​മാ​ത്ര​മ​ല്ല​ ​ഗൃ​ഹാ​തു​ര​ത്വ​ത്തി​ലേ​ക്കു​കൂ​ടി​യാ​ണ് ​കേ​ൾ​വി​ക്കാ​ര​നെ​ ​എ​ത്തി​ച്ച​ത്.
മ​ല​യാ​ള​ ​സി​നി​മ​യു​ടെ​ ​മു​റ്റ​ത്ത് ​പാ​ട്ടി​ന്റെ​ ​പു​ത്ത​ഞ്ചേ​രി​കാ​ലം​ ​ഗി രി​ഷ് ​പു​ത്ത​ഞ്ചേ​രി​ ​തീ​ർ​ക്കു​മ്പോ​ൾ​ ​മ​നു​മ​ഞ്ജി​ത് ​മ​ന​സി​ൽ​ ​ഈ​ണ​വും​ ​താ​ള​വും​ ​പി​ടി​ക്കു​ന്നു​ണ്ടാ​യി​രുന്നു.​ജീ​വി​ത​വ​ഴി​യി​ൽ​ ​ഹോ​മി​യോ​ ​ഡോ​ക്ട​റു​ടെ​ ​കു​പ്പാ​യം​ ​അ​ണി​ഞ്ഞ​തി​നൊ​പ്പം​ ​ഏ​ഴു​വ​ർ​ഷ​മാ​യി​ ​തു​ട​രു​ന്നു​ ​ഗാ​ന​ര​ച​യി​താ​വി​ന്റെ​ ​വേ​ഷം.​മി​ക​ച്ച​ ​ഗാ​ന​ര​ച​യി​താ​വി​നു​ള്ള​ ​ഈ​ ​വ​ർ​ഷ​ത്തെ​ ​ഗി​രീ​ഷ് ​പു​ത്ത​ഞ്ചേ​രി​ ​പു​ര​സ്കാ​ര​വും​ ​തേ​ടി​ ​എ​ത്തി.​ ​മി​ന്ന​ൽ​ ​മു​ര​ളി,​ ​നി​ഴ​ൽ,​ ​ച​തു​ർ​മു​ഖം,​ ​സാ​റാ​സ്,​ ​പ്ര​കാ​ശ​ൻ​ ​പ​റ​ക്ക​ട്ടെ,​ ​വാ​ലാ​ട്ടി,​ ​അ​നു​ഗ്ര​ഹീ​ത​ൻ​ ​ആ​ന്റ​ണി,​പാ​ച്ചു​വും​ ​അ​ത്ഭു​ത​ ​വി​ള​ക്കും​ ​എ​ന്നി​വ​യാ​ണ് ​പാ​ട്ടൊ​രു​ക്കി​യ​ ​പു​തി​യ​ ​ചി​ത്ര​ങ്ങ​ൾ.​പാ​ട്ടെ​ഴു​ത്തി​ന് ​കാ​ത്തി​രി​പ്പു​ണ്ട് ​ഇ​നി​യും​ ​സി​നി​മ​ക​ൾ.​ ​പ​ല്ല​വി​യും​ ​അ​നു​പ​ല്ല​വി​യു​മാ​യി​ ​മ​നു​ ​മ​ഞ്ജി​ത്തി​ന് ​മ​റു​പാ​തി​യാ​യി​ ​ഹി​മ​യും​ ​ചേ​രു​ന്ന​താ​ണ് ​പാ​ട്ടു​വ​ഴി​യാ​ത്ര.

ഹി​റ്റ് ​പാ​ട്ടു​ക​ളു​ടെ​ ​എ​ഴു​ത്തു​കാ​ര​ൻ​ ​എ​ന്ന​ ​വി​ശേ​ഷ​ണ​മു​ണ്ട്?
ഒ​രു​ ​ചെ​റി​യ​ ​സി​നി​മ​യി​ൽ​ ​പാ​ട്ട് ​എ​ഴു​താ​ൻ​ ​അ​വ​സ​രം​ ​ല​ഭി​ക്കു​ക​യും​ ​ആ​ ​ചി​ത്രം​ ​പു​റ​ത്തു​വ​രാ​തി​രി​ക്കു​ക​യും​ ​ഏ​തെ​ങ്കി​ലും​ ​സ​മ​യ​ത്ത് ​ഹി​റ്റു​ ​ല​ഭി​ക്കു​ക​യും​ ​ചെ​യ്യു​മ്പോ​ഴാ​ണ് ​മി​ക്ക​ ​ഗാ​ന​ര​ച​യി​താ​വി​നും​ ​ക​രി​യ​ർ​ ​ഉ​ണ്ടാ​വു​ക​ ​എ​ന്നു​ ​കേ​ട്ടി​ട്ടു​ണ്ട്.​ ​എ​ന്നാ​ൽ​ ​എ​നി​ക്ക് ​അ​ങ്ങ​നെ​ ​ഒ​രു​ ​കാ​ത്തി​രി​പ്പോ​ ​ക​ഠി​ന​ ​ശ്ര​മ​മോ​ ​വേ​ണ്ടി​വ​ന്നി​ല്ല.​'​ ​ഓം​ ​ശാ​ന്തി​ ​ഓ​ശാ​ന​"​ ​ന​വാ​ഗ​ത​ ​പാ​ട്ടെ​ഴു​ത്തു​കാ​ര​ൻ​ ​എ​ന്ന​ ​നി​ല​യി​ൽ​ ​ഏ​റ്റ​വും​ ​മി​ക​ച്ച​ ​തു​ട​ക്കം​ ​ത​ന്നെ​ ​ത​ന്നു.​ ​ലാ​ൽ​ജോ​സ് ​സാ​ർ​ ​ആ​ദ്യ​മാ​യി​ ​നി​ർ​മ്മി​ച്ച​ ​വി​ക്ര​മാ​ദി​ത്യ​നി​ൽ​ ​പ്ര​തി​ഭാ​ധ​ന​രാ​യ​ ​പാ​ട്ടെ​ഴു​ത്തു​കാ​ർ​ക്കൊ​പ്പം​ ​പ്ര​വ​ർ​ത്തി​ക്കാ​ൻ​ ​അ​വ​സ​രം​ ​പി​ന്നാ​ലെ​ ​എ​ത്തി.​ ​വി​നീ​ത് ​ശ്രീ​നി​വാ​സ​ൻ​ൻ​ ​ഷാ​ൻ​ ​റ​ഹ്മാ​ൻ​ ​'​ഗ്യാ​ങി​ൽ​"​ ​ഓ​ർ​മ്മ​യു​ണ്ടോ​ ​ഈ​ ​മു​ഖം,​ ​ഒ​രു​ ​വ​ട​ക്ക​ൻ​ ​സെ​ൽ​ഫി,​ ​ജേ​ക്ക​ബി​ന്റെ​ ​സ്വ​ർ​ഗ​രാ​ജ്യം​ ​തു​ട​ങ്ങി​യ​ ​സി​നി​മ​ക​ൾ.​ ​ശേ​ഷം​ ​'​ആ​ടും​"​ ​'​കു​ഞ്ഞി​രാ​മാ​യ​ണ​വും​"​വ​ന്നു.​ ​ബ​ഹു​മാ​നം​ ​ന​ൽ​കു​ന്ന​ ​ആ​ളു​ക​ൾ​ക്കൊ​പ്പം​ ​പ്ര​വ​ർ​ത്തി​ക്കാ​ൻ​ ​ക​ഴി​ഞ്ഞ​താ​ണ് ​ഏ​റ്റ​വും​ ​വ​ലി​യ​ ​ഭാ​ഗ്യം.​ ​സി​നി​മ​ ​ന​ന്നാ​കു​മ്പോ​ൾ​ ​സ്വാ​ഭാ​വി​ക​മാ​യി​ ​പാ​ട്ട് ​ആ​ളു​ക​ളി​ലേ​ക്ക് ​എ​ത്തു​ക​യും​ ​ഹി​റ്റാ​യി​ ​മാ​റു​ക​യും​ ​ചെ​യ്യു​ന്നു.

ഗി​രീ​ഷ് ​പു​ത്ത​ഞ്ചേ​രി​ക്ക് ​സ​മ​ർ​പ്പ​ണം​ ​എ​ഴു​തി​യാ​ണ​ല്ലേ​ ​പാ​ട്ടു​വ​ഴി​യി​ൽ​ ​എ​ത്തു​ന്ന​ത്?​

പാ​ട്ടി​ൽ​ ​അ​ക്ഷ​ര​ങ്ങ​ൾ​ ​നി​ര​ത്തി​വ​ച്ച് ​ഗി​രീ​ഷേ​ട്ട​ൻ​ ​എ​ന്നെ​ ​ കൊ​തി​പ്പി​ച്ചി​ട്ടു​ണ്ട്.​ ​പാ​ട്ടെ​ഴു​ത്തു​കാ​ര​നാ​കാ​ൻ​ ​പ്ര​ചോ​ദ​ന​മാ​യ​ത് ​ഗി​രീ​ഷേ​ട്ട​നാ​ണ്.​ ​ഒ​രു​ ​പ്രാ​വ​ശ്യ​മേ​ ​നേ​രി​ട്ടു​ക​ണ്ടി​ട്ടു​ള്ളൂ.​ ​ഗി​രീ​ഷേ​ട്ട​ൻ​ ​വീ​ട്ടി​ൽ​ ​വ​ന്ന​പ്പോ​ൾ​ ​പൂ​ജാ​മു​റി​യി​ൽ​ ​വ​ച്ച് ​നെ​റു​ക​യി​ൽ​ ​ത​ന്ന​ ​ഉ​മ്മ​യാ​ണ് ​എ​ന്റെ​ ​മൂ​ല​ധ​നം.​ ​വീ​ട്ടി​ൽ​നി​ന്ന് ​ഒ​ന്ന​ര​കി​ലോ​മീ​റ്റ​ർ​ ​ദൂ​ര​മാ​ണ് ​പു​ത്ത​ഞ്ചേ​രി​ക്ക്.​ ​എ​നി​ക്കു​വേ​ണ്ടി​ ​സി​നി​മ​യി​ൽ​ ​ആ​ദ്യ​മാ​യി​ ​അ​വ​സ​രം​ ​ചോ​ദി​ക്കു​ന്ന​തു​ ​ത​ന്നെ​ ​ഗി​രീ​ഷേ​ട്ട​ന്റെ​ ​മൂ​ത്ത​ ​മ​ക​ൻ​ ​ജി​ത്തു​വാ​ണ്.​ ​'മാ​റ്റി​നി​" ​സി​നി​മ​യി​ൽ​ ​ഗി​രീ​ഷേ​ട്ട​ന് ​സ​മ​ർ​പ്പ​ണം​ ​എ​ഴു​തി​യാ​ണ് ​വെ​ള്ളി​ത്തി​ര​യി​ലെ​ ​പാ​ട്ടു​ ​ജീ​വി​ത​ത്തി​ന് ​തു​ട​ക്ക​മി​ടു​ന്ന​ത്.​ ​ഗി​രീ​ഷേ​ട്ട​ന്റെ​ ​ഇ​ള​യ​മ​ക​ൻ​ ​ദി​ൻ​നാ​ഥ് ​ആ​ ​സി​നി​മ​യി​ൽ​ ​പാ​ട്ടെ​ഴു​തി.​ ​ആ​ദ്യ​ ​ക​വി​താ​സ​മാ​ഹാ​ര​മാ​യ​ ​'​മ്മ​" ​ഗി​രീ​ഷേ​ട്ട​നാ​ണ് ​സ​മ​ർ​പ്പി​ക്കു​ന്ന​ത്.​ ​ഗു​രു​സ്ഥാ​നീ​യ​നാ​ണ് ​ഗി​രീ​ഷേ​ട്ട​ൻ.

ഹോ​മി​യോ​ ​ഡോ​ക്ട​ർ​ക്കു​ ​മു​ൻ​പി​ൽ​ ​എ​ങ്ങ​നെ​ ​പാ​ട്ട് ​ക​ട​ന്നു​വ​ന്നു​ ?
മ​ന​സി​നെ​ ​സി​നി​മ​ ​കീ​ഴ​ട​ക്കി​യ​പ്പോ​ൾ​ ​എ​ങ്ങ​നെ​ ​അ​വി​ടെ​ ​എ​ത്തി​ച്ചേ​രാ​മെ​ന്ന​ ​ചി​ന്ത​യാ​ണ് ​എ​ന്നി​ലെ​ ​പാ​ട്ടെ​ഴു​ത്തു​കാ​ര​നെ​ ​രൂ​പ​പ്പെ​ടു​ത്തു​ന്ന​ത്.​ ​മീ​ന​ങ്ങാ​ടി​ ​സെ​ന്റ് ​പീ​റ്റേ​ഴ്സ് ​ആ​ൻ​ഡ് ​സെ​ന്റ് ​പോ​ൾ​സ് ​സ്കൂ​ളി​ൽ​ ​സീ​നി​യ​റാ​യി​രു​ന്നു​ ​മി​ഥു​ൻ​ ​മാ​നു​വ​ൽ​ ​തോ​മ​സ്.​ ​മി​ഥു​ൻ​ ​ആ​ദ്യ​മാ​യി​ ​തി​ര​ക്ക​ഥ​ ​എ​ഴു​തി​യ​ ​സി​നി​മ​യാ​ണ് ​ഒാം​ ​ശാ​ന്തി​ ​ഒാ​ശാ​ന.​ ​സ്കൂ​ളി​ൽ​ ​ക​വി​ത​മ​ത്സ​ര​ത്തി​ന് ​പ​ങ്കെ​ടു​ത്തി​ട്ടു​ണ്ട്.​ ​പാ​ടാ​ൻ​ ​അ​റി​യി​ല്ലെ​ങ്കി​ലും​ ​ഉ​ള്ളി​ൽ​ ​എ​വി​ടെ​യോ​ ​ഒ​രു​ ​താ​ള​ബോ​ധ​മു​ണ്ട്.​ ​അ​തി​ന്റെ​ ​പു​റ​ത്താ​ണ് ​എ​ഴു​ത്ത് ​മു​ഴു​വ​ൻ.​സി​നി​മ​യു​മാ​യി​ ​യാ​തൊ​രു​ ​ബ​ന്ധ​വു​മി​ല്ലാ​ത്ത​ ​കു​ടും​ബ​മാ​ണ്.​ ​അ​ച്ഛ​ൻ​ ​ബാ​ങ്ക് ​മാ​നേ​ജ​രും​ ​അ​മ്മ​ ​അ​ദ്ധ്യാ​പി​ക​യു​മാ​യി​രു​ന്നു.​ ​സ​ഹോ​ദ​രി​ ​ഡോ​ക്ട​ർ.​യാ​തൊ​രു​ ​ഉ​റ​പ്പു​മി​ല്ലാ​തെ​ ​സി​നി​മ​യി​ലേ​ക്ക് ​പോ​യ​പ്പോ​ൾ​ ​ആ​കു​ല​ത​യു​ണ്ടാ​യി​രു​ന്നു​ ​അ​വ​ർ​ക്ക്.​ ​ഡോ​ക്ട​ർ​ ​ജോ​ലി​ ​ഉ​പേ​ക്ഷി​ക്കി​ല്ലെ​ന്ന് ​മ​ന​സി​ലാ​ക്കി​യ​പ്പോ​ൾ​ ​ആ​ശ്വാ​സ​മാ​യി.​ ​ഒ​രു​പാ​ട് ​സ​ന്തോ​ഷ​ങ്ങ​ൾ​ക്ക് ​ന​ടു​വി​ലി​രു​ന്ന്എ​ന്റെ​ ​ചി​ത്ര​ത്തി​ലെ​ ​പാ​ട്ടു​ക​ൾ​ ​ആ​സ്വ​ദി​ക്കാ​ൻ​ ​മു​ഹൂ​ർ​ത്തം​ ​ഉ​ണ്ടാ​യപ്പോ​ൾ​ ​അ​വ​രും​ ​ചോ​ദി​ച്ചു​ ​തു​ട​ങ്ങി​ ​ഏ​താ​ണ് ​പു​തി​യ​ ​സി​നി​മ​യെ​ന്ന്.​ഡോ​ക്ട​റു​ടെ​ ​ജോ​ലി​യും​ ​പാ​ട്ടെ​ഴു​ത്തും​ ​ര​ണ്ടും​ ​ഏ​റെ​ ​ഇ​ഷ്ട​ത്തോ​ടെ​ ​ചെ​യ്യു​ന്ന​ ​കാ​ര്യ​ങ്ങ​ളാ​ണ്.​അ​ത്യാ​വ​ശ്യം​ ​സി​നി​മ​യു​ടെ​ ​തി​ര​ക്കി​ൽ​ ​നി​ൽ​ക്കു​മ്പോ​ഴാ​ണ് ​സൈ​ക്യാ​ട്രി​യി​ൽ​ ​എം.​ഡി​ ​ചെ​യ്യു​ന്ന​ത്.

മ​റ്റു​ ​പാ​ട്ടി​നേ​ക്കാ​ൾ​ ​ത​മാ​ശ​ ​ഗാ​ന​ങ്ങ​ൾ​ ​കൂ​ടു​ത​ൽ​ ​ശ്ര​ദ്ധേ​യ​മാ​കു​ന്ന​ല്ലേ?

വ്യ​ത്യ​സ്ത​മാ​യ​ ​പ​ല​ത​രം​ ​പാ​ട്ടു​ക​ൾ​ ​എ​ഴു​താ​ൻ​ ​ഭാ​ഗ്യം​ ​ല​ഭി​ച്ചു.​ ​'​ആ​ട്"​ ​ഒ​രു​ ​കാ​രി​ക്കേ​ച്ച​ർ​ ​ക​ഥാ​പാ​ത്ര​മാ​യി​രു​ന്നു.​ ​അ​പ്പോ​ൾ​ ​അ​തി​ലെ​ ​പാ​ട്ടു​ക​ൾ​ക്കും​ ​ത​മാ​ശ​ ​വേ​ണം.​ ​കു​ഞ്ഞി​രാ​മാ​യ​ണം,​ ​ഇ​ടി,​ ​തീ​വ​ണ്ടി​ ​തു​ട​ങ്ങി​യ​ ​സി​നി​മ​യി​ലെ​ ​റി​ഥം​ ​പാ​ട്ടു​ക​ൾ​ ​ഇ​ഷ്ട​മാ​ണ്.​ ​പ്ര​ണ​യ​ഗാ​നം​ ​എ​ഴു​തു​മ്പോ​ൾ​ ​ചി​ല​പ്പോ​ൾ​ ​മോ​ശ​മെ​ന്ന് ​പ​റ​യി​ല്ല.​ ​എ​ന്നാ​ൽ​ ​ത​മാ​ശ​പാ​ട്ടു​ക​ൾ​ ​നി​ല​വാ​ര​മി​ല്ലെ​ന്ന് ​പ​റ​യാ​ൻ​ ​സാ​ദ്ധ്യ​ത​യു​ണ്ട്.​ ​പ​രീ​ക്ഷ​ണം​ ​ത​ന്നെ​യാ​ണ് ​ത​മാ​ശ​ ​പാ​ട്ട് ​എ​ഴു​ത്ത്.​ ​കു​ടു​ക്ക് ​പൊ​ട്ടി​യ​ ​കു​പ്പാ​യം​ ​ഏ​റെ​ ​ആ​സ്വ​ദി​ച്ച് ​എ​ഴു​തി​യ​ ​പാ​ട്ടാ​ണ്.​ ​സ​ത്യ​ത്തി​ൽ​ ​ആ​ ​പാ​ട്ട് ​വി​ര​ഹ​മാ​ണ്.​ ​സ​ത്സ​ ​പാ​ട്ടി​ലും​ ​അ​വ​രു​ടെ​ ​സ​ങ്ക​ട​ങ്ങ​ളാ​ണ്.​ ​മൈ​മിം​ഗി​ലൂ​ടെ​ ​പ​റ​യു​മ്പോ​ൾ​ ​ത​മാ​ശ​യാ​യി​ ​മാ​റു​ന്നു.​ ​വാ​ക്കു​ക​ൾ​ ​കൊ​ണ്ടു​ള്ള​ ​ക​ളി​യാ​ണ്.

വെ​ല്ലു​വി​ളി​ ​നേ​രി​ട്ട് ​എ​ഴു​തി​യ​ ​പാ​ട്ട് ​ഏ​താ​ണ്?
'​ആ​ട്" ​വി​ജ​യി​ച്ചി​ല്ല.​എ​ന്നാ​ൽ​ ​പാ​ട്ടു​ക​ൾ​ ​ആ​ളു​ക​ൾ​ ​ഏ​റ്റെ​ടു​ത്തു.​ ​ആ​ ​സി​നി​മ​യു​ടെ​ ​ര​ണ്ടാം​ ​ഭാ​ഗം​ ​ഉ​ണ്ടാ​ക്കു​ക​ ​എ​ന്ന​ത് ​വെ​ല്ലു​വി​ളി​യാ​ണ്.​ ​കൊ​ടി​ക​യ​റ​ണ​ ​പൂ​ര​മാ​യ് ​എ​ന്ന​ ​പാ​ട്ടി​ന്റെ​ ​ഊ​ർ​ജ്ജം​ ​ല​ഭി​ക്കു​ന്ന​തു​പോ​ലെ​ ​ര​ണ്ടാം​ ​ഭാ​ഗ​ത്തി​ൽ​ ​ഗാ​നം​ ​ഉ​ണ്ടാ​ക്കു​ന്ന​തും​ ​വെ​ല്ലു​വി​ളി.​ ​അ​ത്ര​മാ​ത്രം​ ​ന​ന്നാ​യാ​ൽ​ ​മാ​ത്ര​മേ​ ​ആ​ളു​ക​ൾ​ ​ര​ണ്ടാ​മ​ത്തെ​ ​പാ​ട്ട് ​ഏ​റ്രെ​ടു​ക്കു​ക​യു​ള്ളൂ.​ ​എ​ന്തു​ ​എ​ഴു​തു​മെ​ന്ന​ ​ആ​ശ​ങ്ക​യു​ണ്ടാ​യി​രു​ന്നു.​ ​എ​ന്നാ​ൽ​ ​വേ​ഗം​ ​എ​ഴു​താ​ൻ​ ​ക​ഴി​ഞ്ഞു.​ ​'മോ​ഹ​ൻ​ലാ​ൽ"​ ​സി​നി​മ​യി​ൽ​ ​ലാ​ലേ​ട്ട​നെ​പ്പ​റ്റി​ ​പാ​ട്ടെ​ഴു​താ​ൻ​ ​ബു​ദ്ധി​മു​ട്ടി.​ ​ഏ​തൊ​രു​ ​മ​ല​യാ​ളി​ക​ളു​ടെ​ ​സ്വ​ന്ത​മാ​ണ് ​ലാ​ലേ​ട്ട​ൻ.​ ​അ​ദ്ദേ​ഹ​ത്തെ​ക്കു​റി​ച്ച് ​സി​നി​മ​യി​ൽ​ ​ആ​ദ്യ​മാ​യി​ ​ഒ​രു​ ​പാ​ട്ട് ​വ​രി​ക​യാ​ണ്.​ ​ഞാ​നും​ ​മോ​ഹ​ൻ​ലാ​ൽ​ ​ആ​രാ​ധ​ക​ൻ.​ ​ലാ​ലേ​ട്ട​ൻ​ ​വി​സ്മ​യി​പ്പി​ച്ച​തി​ൽ​ ​നി​ന്നു​ ​എ​ന്ത് ​ഒ​ഴി​വാ​ക്കു​മെ​ന്ന് ​ചി​ന്തി​ച്ചു.​ ​പാ​ട്ടി​ന്റെ​ ​ഫ്രെ​യി​മി​ൽ​ ​എ​ല്ലാം​ ​പ​റ​യാ​നും​ ​ക​ഴി​യി​ല്ല.​ ​എ​ല്ലാം​ ​ആ​ശ​ങ്ക​ക​ൾ​ക്കും​ ​ഒ​ടു​വി​ൽ​ ​ഉ​ണ്ടാ​യ​ ​പാ​ട്ടാ​ണ് ​ഞാ​ന് ​ജ​നി​ച്ച​ന്ന് ​കേ​ട്ടൊ​രു​ ​പേ​ര്,​ ​പി​ന്നെ​ ​ആ​ഘോ​ഷ​മാ​യൊ​രു​ ​പേ​ര്.​പാ​ട്ടെ​ഴു​ത്തി​ലെ​ ​ഇ​ത്ത​രം​ ​വെ​ല്ലു​വി​ളി​ ​ആ​സ്വ​ദി​ച്ചു​ ​ഏ​റ്റെ​ടു​ക്കു​ന്നു.

ഭാ​ര്യ​യ്ക്കു​വേ​ണ്ടി​ ​പാ​ട്ട് ​എ​ഴു​താ​ൻ​ ​സാ​ധി​ച്ചി​ട്ടു​ണ്ടോ?

സി​നി​മ​യി​ൽ​ ​അ​ത് ​അ​ത്ര​ ​എ​ളു​പ്പ​മ​ല്ല.​ ​വി​വാ​ഹം​ ​നി​ശ്ച​യി​ച്ച​ ​സ​മ​യ​ത്താ​ണ് ​ഒ​രു​ ​വ​ട​ക്ക​ൻ​ ​സെ​ൽ​ഫി​യി​ൽ​ ​പാ​ട്ടെ​ഴു​തു​ന്ന​ത്.​ ​നീ​ലാ​മ്പ​ലി​ന് ​ചേ​ലോ​ടെ​യെ​ൻ​ ​എ​ന്ന​ ​പാ​ട്ട് ​എ​ങ്ങ​നെ​ ​തു​ട​ങ്ങ​ണ​മെ​ന്ന് ​കു​റെ​ ​ആ​ലോ​ചി​ച്ചു.​ ​ഇ​ഷ്ട​പ്പെ​ട്ട​ത് ​തി​ര​ഞ്ഞെ​ടു​ക്കാ​ൻ​ ​പ​റ​ഞ്ഞു.​ ​ആ​ള് ​തി​ര​ഞ്ഞെ​ടു​ത്ത​താ​ണ് ​നീ​ലാ​മ്പ​ലി​ന് ​ചേ​ലോ​ടെ​യെ​ൻ.​ ​ഷാ​നി​ക്ക​യു​ടെ​ ​സം​ഗീ​ത​ത്തി​ൽ​ ​വ്യ​ത്യ​സ്ത​മാ​യ​ ​പ്ര​ണ​യ​ഗാ​നം.​ഹി​മ​ ​ആ​യു​ർ​വേ​ദ​ ​ഡോ​ക്ട​റാ​ണ്.​ ​എം.​ഡി​ ​ചെ​യ്യു​ന്നു.​ ​മ​ക​ൾ​ ​പ്ര​ണ​തി​യ്ക്ക് ​മൂ​ന്ന​ര​ ​വ​യ​സ്.

ഹി​റ്റ്സ് ​ ഒ​ഫ് ​ മ​നു​മ​ഞ്‌​ജി​ത്
1​ ​മ​ന്ദാ​ര​മേ (ഓം​ശാ​ന്തി​ ​ഓ​ശാന)
2​ ​ അ​ന്തി​ച്ചോ​പ്പി​ൽ​ ​(വി​ക്ര​മാ​ദി​ത്യൻ)
3​ ​ വേ​താ​ളം​ ​പോ​ലെ​ ​(കു​ഞ്ഞി​രാ​മാ​യ​ണം)
4​ നീ​ലാ​മ്പ​ലി​ന് ​ചേ​ലോ​ടെ​യെ​ൻ​ ​(ഒ​രു​ ​വ​ട​ക്ക​ൻ​ ​സെ​ൽ​ഫി)
5 ​ ​രാ​വ് ​മാ​യ​വേ​ (വേ​ട്ട)
6​ ​ തി​രു​വാ​വ​ണി​രാ​വ് ​ (ജേ​ക്ക​ബി​ന്റെ​ ​സ്വ​ർ​ഗ​രാ​ജ്യം)
7​ ​ ലാ​ലേ​ട്ടാ​ ​(മോ​ഹ​ൻ​ലാൽ)
8​ ​മി​ന്നു​ന്നു​ണ്ടേ​ ​മു​ല്ല​ ​പോ​ലെ​ (​ ​ത​രം​ഗം)
9​ ​ പൊ​ന്നി​ൻ​ ​ക​ണി​ക്കൊ​ന്ന​ ​(​ഗോദ)
ആ​രോ​ ​നെ​ഞ്ചി​ൽ​ ​(ഗോദ)
10 ​ ​കു​ടു​ക്ക് ​ പൊ​ട്ടി​യ​ ​കു​പ്പാ​യം​ ​(​ല​വ് ​ ആ​ക്ഷൻ ​ ഡ്രാമ)
11 ​ ​ഒ​രു​ ​തീ​പ്പെ​ട്ടി​ക്കും​ ​വേ​ണ്ട​ ​(തീ​വ​ണ്ടി)
12 ​ ​മു​ല്ലേ​ ​മു​ല്ലേ​ ​(അ​നു​ഗ്ര​ഹീ​ത​ൻ​ ​ആ​ന്റ​ണി)

കവി​ത

ഈ വിഷു

ഒരുപിടി
ഓർമ്മക്കൊന്ന
കുടഞ്ഞിട്ട് പോകുന്നു,
മനസ്സിന്റെ
വേനൽത്തീരത്തൊരു
മേടക്കാറ്റ്.
പടക്കങ്ങൾ
'സാമൂഹിക അകലം"പാലിക്കാതെ
കൈകോർത്ത് നിന്ന്
മാലപ്പടക്കമായി
പൊട്ടിത്തിമിർത്തത്.
പൂത്തിരി കമ്പിത്തിരി
മത്താപ്പൂവിതളുകളിൽ
പ്രണയം മിനുങ്ങിയത്.
കൈനീട്ടങ്ങൾ
'ഗൂഗിൾ പേ"യിൽ
മരിച്ചു കിടക്കാഞ്ഞത്.
അപ്പോൾ തെളിഞ്ഞ ചിരികൾ
മാസ്‌കിൽ മറയാഞ്ഞത്.
നേരത്തേ 'പണി തീർത്ത് " മടങ്ങാൻ
ധൃതിപ്പെടാതെ കൊന്നകൾ
എന്റെ വിഷുനാളിലേക്ക്
പൊന്നണിഞ്ഞ് ചാഞ്ഞത്.
പാട്ട് മറക്കാത്ത
വിഷുക്കിളികൾക്ക്
ആകാശം വിരിച്ച് കൊടുത്തത്.
കണിവെള്ളരികളിൽ
സൂര്യൻ ഒരുങ്ങിയത്.
കണ്ണീരപ്പങ്ങളിൽ
മധുരം നിറഞ്ഞത്.
'ഭഗവാൻ" എനിക്കൊപ്പം
ചിരിച്ചത്.
ഇനിയും
ഇന്നിന്നിരുൾപാടങ്ങളിൽ
'നല്ല" വിത്തെറിഞ്ഞ്
വിളവെടുപ്പിന്
കാത്തിരിക്കാൻ
പറയുന്നുണ്ട്
എന്നും
പ്രതീക്ഷയാകുന്ന
വിഷു !