ന​യ്റോ​ബി​:​ ​അ​മേ​രി​ക്ക​ൻ​ ​മു​ൻ​ ​പ്ര​സി​ഡ​ന്റ് ​ബ​റാ​ക് ​ഒ​ബാ​മ​യ്ക്ക് ഏറെ പ്രീയങ്കരിയും ചെറുപ്പകാലത്ത് ഏറെ സ്വാധീനിച്ചതുമായ വ്യക്തിത്വമായിരുന്നു കഴിഞ്ഞ ദിവസം അന്തരിച്ച സാ​റ​ ​ഒ​ബാ​മ​​. മു​ത്ത​ശ്ശി​ ​മ​രി​ച്ച​ ​വി​വ​രം​ ​ഒ​ബാ​മ​യാ​ണ് ​ട്വി​റ്റ​റി​ലൂ​ടെ​ ​പ​ങ്കു​വെ​ച്ച​ത്.​ മാ​മാ​ ​സാ​റ​ ​എ​ന്നാണ് മുത്തശ്ശിയെ എല്ലാവരും സ്നേഹത്തോടെ ​വിളി​ച്ചിരുന്നത്. എന്നാൽ ഞങ്ങൾക്ക് പ്രിയപ്പെട്ട ഗ്രാനിയായിരുന്നു. ഞങ്ങൾ മുത്തശ്ശിയെ ഒരുപാട് മിസ് ചെയ്യും. അദ്ദേഹം ട്വിറ്ററിൽ കുറിച്ചു. കെ​നി​യ​യി​ലെ​ ​ഗ്രാ​മ​ങ്ങ​ളി​ൽ​ ​നി​ന്ന് ​പ​ട്ട​ണ​ത്തി​ലേ​ക്കു​ ​സൈ​ക്കി​ൾ​ ​ച​വി​ട്ടി​ ​കു​ട്ടി​ക​ളെ​ ​സ്‌​കൂ​ളി​ലെ​ത്തി​ച്ച​ ​സാ​റ​ ​ മുത്തശ്ശി അ​നാ​ഥ​ർ​ക്കും​ ​പെ​ൺ​കു​ട്ടി​ക​ൾ​ക്കും​ വേ​ണ്ടി​യു​ള്ള​ ​വി​ദ്യാ​ഭ്യാ​സ​ ​പ്ര​വ​ർ​ത്ത​ന​ങ്ങ​ളി​ൽ​ ​സ​ജീ​വ​മാ​യി​രു​ന്നു. ​ഒ​രു​ ​സ്ത്രീ​ക്ക് ​വി​ദ്യാ​ഭ്യാ​സം​ ​ല​ഭി​ച്ചാ​ൽ​ ​അ​വ​ൾ​ ​കു​ടും​ബ​ത്തെ​ ​മാ​ത്ര​മ​ല്ല,​ ​ഗ്രാ​മ​ത്തി​നു​ ​മു​ഴു​വ​ൻ​ ​വി​ദ്യാ​ഭ്യാ​സം​ ​ന​ൽ​കു​മെ​ന്ന​വ​ർ​ ​പ​റ​ഞ്ഞു.
​ ​ഡ്രീം​സ് ​ഫ്രം​ ​മൈ​ ​ഫാ​ദ​ർ​ ​എ​ന്ന​ ​പു​സ്ത​ക​ത്തി​ൽ​ ​സാ​റ​ ​മു​ത്ത​ശ്ശി​യെ​ക്കു​റി​ച്ച് ​ഒ​ബാ​മ​ ​വി​ശ​ദ​മാ​യി​ ​എ​ഴു​തി​യി​ട്ടു​ണ്ട്.​ ബറാക്ക് ഒബാമയുടെ അച്ഛനെ വളർത്തിയത് സാറയായിരുന്നു. ​അ​ച്ഛ​ന് ​പ​ഠി​ക്കാ​ൻ​ ​വേ​ണ്ട​ ​സ​ഹാ​യ​ങ്ങ​ൾ​ ​ചെ​യ്ത് വളരെയേറെ അകലെയുള്ള സ്കൂളിൽ ചെ​റു​പ്പ​ത്തി​ൽ​ ​സൈ​ക്കി​ളി​ൽ​ ​കൊ​ണ്ടു​പോ​യ​ത് ​സാ​റ​ ​മു​ത്ത​ശ്ശി​യാ​യി​രു​ന്നു​വെ​ന്ന് ഒരിക്കൽ ഒബാമ​ ​പ​റ​ഞ്ഞി​രു​ന്നു. 1988 ൽ പിതാവിന്റെ ജന്മദേശത്തേക്ക് പോയപ്പോഴാണ് താനും സാറ മുത്തശ്ശിയും ആദ്യമായി കണ്ടതെന്നും ഭാഷാ വ്യത്യാസം ഉള്ളതിനാൽ ആദ്യം ആശയ വിനിമയം നടത്താൻ ബുദ്ധിമുട്ടായിരുന്നെങ്കിലും പിന്നീട് അവർ വളരെ നല്ല സുഹൃത്തുക്കളായി മാറിയതും ഒബാമ തന്റെ പുസ്തകത്തിൽ വിശദമായി പ്രതിപാദിക്കുന്നുണ്ട്. 2009 ൽ ഒബാമ പ്രസിഡന്റായി സ്ഥാനമേറ്റപ്പോൾ ചടങ്ങിൽ പങ്കെടുക്കാൻ അദ്ദേഹത്തിന്റെ പ്രീയപ്പെട്ട ഗ്രാനിയെ ക്ഷണിക്കുകയും ക്ഷണം സ്വീകരിച്ച് ചടങ്ങ് വീക്ഷിക്കാൻ അവർ എത്തുകയും ചെയ്തിരുന്നു.

2014​ ​സെ​പ്റ്റം​ബ​റി​ൽ​ ​യു.​എ​ൻ​ ​പൊ​തു​സ​ഭ​യി​ൽ​ ​ന​ട​ത്തി​യ​ ​പ്ര​സം​ഗ​ത്തി​ലും ​മു​ത്ത​ശ്ശി​യെ​ക്കു​റി​ച്ച് ​ബ​റാ​ക് ​ഒ​ബാ​മ​ ​പ്ര​തി​പാ​ദി​ച്ചി​രു​ന്നു.