ദക്ഷിണേഷ്യൻ വിപണികളെ ലക്ഷ്യമാക്കി കൊറിയൻ വാഹന നിർമാതാക്കളായ ഹ്യുണ്ടായ് വികസിപ്പിച്ചെടുത്ത പുതിയ എം.പി.വി സ്റ്റാരിയ രാജ്യാന്തര വിപണിയിലെത്തി. സ്‌പേസ്ഷിപ്പ് ഡിസൈൻ എന്നാണ് സ്റ്റാരിയയെ ഹ്യുണ്ടായി വിശേഷിപ്പിക്കുന്നത്. വിദേശമാർക്കറ്റിലുണ്ടായിരുന്ന ജനപ്രിയ എം.പി.വി എച്ച്1 / സ്റ്റാറക്സിനു പകരക്കാരനാണ് സ്റ്റാരിയ.

11 പേർക്കിരിക്കാവുന്ന സീറ്റിംഗ് ഓപ്ഷനുകൾ ഇതിലുണ്ട്. വലിയ ഫ്രണ്ട് വിൻഡ് ഷീൽഡ്, വീതിയേറിയ ഗ്രിൽ, ചതുരാകൃതിയിലുള്ള ഹെഡ് ലാംപുകൾ, കാർഗോ കയറ്റുന്നതും ഇറക്കുന്നതും എളുപ്പമാക്കുന്നതിന് ലോവർ റിയർ ലിപ്പ് സൗകര്യം എന്നിവയാണു സവിശേഷതകൾ.

ഇന്റീരിയറിൽ 10.25 ഇഞ്ച് ഫ്ലോട്ടിംഗ് ടച്ച് സ്‌ക്രീൻ, ആംബിയന്റ് ലൈറ്റിംഗ്, പുഷ് ബട്ടൻ ഗിയർ സെലക്ടർ തുടങ്ങിയവ സവിശേഷതകളാണ്. 3.5 ലിറ്റർ പെട്രോൾ, ഡീസൽ എൻജിൻ ഓപ്ഷനുകൾ ലഭ്യമാകും.