konni
നയി​ക്കാനായി​ ഒരുക്കം......? കോ​ന്നി​യി​ൽ​ ​തി​​ര​ഞ്ഞെ​ടു​പ്പ് ​പ്ര​ചാ​ര​ണ​ങ്ങ​ൾ​ക്ക് ​തു​ട​ക്കം​കു​റി​ച്ച​ ് യു.​ഡി.​എ​ഫ് ​സ്ഥാ​നാ​ർ​ത്ഥി​ക്കാ​യി​ ​ചു​മ​രു​ക​ൾ​ ​വെ​ള​ളയ​ടി​ച്ച് ​ബു​ക്ക് ​ചെ​യ്യു​ന്ന​ ​തൊ​ഴി​ലാ​ളി​ക​ൾ.​ ​കഴി​ഞ്ഞ ജില്ലാ പഞ്ചായത്ത് തി​രഞ്ഞെടുപ്പി​ൽ മത്സരി​ച്ച യു.​ഡി.​എ​ഫ് ​സ്ഥാ​നാ​ർ​ത്ഥി​ ​ ​റോ​ബി​ൻ​ ​പീ​റ്റ​റു​ടെ​ ​ പ്രചാരണ ബോർഡാണ് ​സ​മീ​പം.

കോന്നി: സ്ഥാനാർത്ഥി നിർണയത്തിന് മുമ്പേ കോന്നിയിലെ കോൺഗ്രസിൽ ഉടലെടുത്ത പടലപ്പിണക്കം പോസ്റ്ററുകളായി പ്രത്യക്ഷപ്പെട്ടു. അടൂർ പ്രകാശ് എം.പിക്കും ജില്ലാ പഞ്ചായത്തംഗം റോബിൻ പീ​റ്ററിനുമെതിരെ മണ്ഡലത്തിന്റെ വിവിധ പ്രദേശങ്ങളിൽ ഇന്നലെ വ്യാപകമായി പോസ്​റ്ററുകൾ കാണാനായി. പിന്നീട് കോൺഗ്രസ് പ്രവർത്തകർ തന്നെ ഇവ കീറിക്കളഞ്ഞു. കോൺഗ്രസ് സംരക്ഷണ സമിതി എന്ന പേരിലായിരുന്നു പോസ്​റ്ററുകൾ.

കഴിഞ്ഞ കോന്നി ഉപതിരഞ്ഞെടുപ്പിൽ സ്ഥാനാർത്ഥിയായിരുന്ന മുൻ ഡി.സി.സി പ്രസിഡന്റ് പി.മോഹൻരാജിനെ പരാജയപ്പെടുത്താൻ അടൂർ പ്രകാശും റോബിൻ പീ​റ്ററും ശ്രമിച്ചതായി പോസ്​റ്ററിലൂടെ ആരോപിക്കുന്നു. കൂടാതെ ത്രിതല പഞ്ചായത്ത് തിരഞ്ഞെടുപ്പിൽ ജില്ലാ പഞ്ചായത്ത് സ്ഥാനാർത്ഥികളായ ശാമുവേൽ കിഴക്കുപുറം, എലിസബത്ത് അബു, കെ.വിശ്വംഭരൻ എന്നിവരെ പരാജയപ്പെടുത്താനും ശ്രമം നടത്തിയതായി ആരോപണമുണ്ട്. പഞ്ചായത്തിന്റെ ചരിത്രത്തിൽ ആദ്യമായി എൽ.ഡി.എഫിന് ഭരണം നേടി കൊടുക്കാൻ സാഹചര്യമൊരുക്കിയ റോബിൻ പീ​റ്ററെ എന്ത് അടിസ്ഥാനത്തിലാണ് സ്ഥാനാർത്ഥിയായി നിശ്ചയിക്കുന്നതെന്നും പോസ്​റ്ററിലൂടെ ചോദ്യം ചെയ്യുന്നു.
ആ​റ്റിങ്ങൽ എം.പി അടൂർ പ്രകാശിന്റെ നോമിനിയാണ് റോബിൻ പീ​റ്ററെന്നും പോസ്​റ്ററിൽ ആരോപണമുണ്ട്.