പത്തനംതിട്ട: സാമൂഹ്യ പ്രവർത്തക ഡോ.എം.എസ്.സുനിൽ സ്വന്തമായി വീടില്ലാതെ കുടിലുകളിൽ കഴിയുന്ന ആലംബ ഹീനർക്കു പണിതു നൽകുന്ന 194ാ മത് സ്‌നേഹഭവനം പൂതങ്കര ഇടശേരിക്കോണിൽ ലേഖക്കും രണ്ടു കുട്ടികൾക്കുമായി ചാലക്കുടി സ്വദേശിയും ബഹറിനിൽ ജോലിയുള്ളതുമായ ഷാജു പുത്തൻപുരക്കലിന്റെ സഹായത്താൽ നിർമിച്ചു നൽകി. വീടിന്റെ താക്കോൽദാനവും ഉദ്ഘാടനവും ഷാജുവിന്റെ മകൻ ഷോൺ ഷാജു നിർവഹിച്ചു. ചടങ്ങിൽ പഞ്ചായത്ത് പ്രസിഡന്റ് രാജഗോപാൽ,വാർഡ് മെമ്പർ സതീഷ് കുമാർ,കെ.പി.ജയലാൽ, ശിവരാമൻ നായർ എന്നിവർ പ്രസംഗിച്ചു.