പത്തനംതിട്ട: വിദ്യാർത്ഥികളും അദ്ധ്യാപകരും മാനസികമായി ഒരുങ്ങിക്കഴിഞ്ഞ എസ്.എസ്.എൽ സി, പ്ലസ്ടു പരീക്ഷകൾ മാറ്റിവയ്ക്കാതെ നിശ്ചയിച്ചിരിക്കുന്ന ടൈം ടേബിൾ പ്രകാരം പൂർത്തിയാക്കണമെന്ന് കേരള പ്രദേശ് സ്‌കൂൾ ടീച്ചേഴ്‌സ് അസോസിയേഷൻ (കെ.പി.എസ്.ടി.എ) റവന്യൂ ജില്ലാ സമ്മേളനം ആവശ്യപ്പെട്ടു. ഇലക്ഷന്റെ പേരു പറഞ്ഞുള്ള പരീക്ഷാ മാറ്റം കുട്ടികളിൽ കനത്ത മാനസിക സംഘർഷം സൃഷ്ടിക്കും. സംസ്ഥാന ട്രഷറർ എസ്.സന്തോഷ് കുമാർ ഉദ്ഘാടനം ചെയ്തു. ജില്ലാ പ്രസിഡണ്ട് വി.എൻ.സദാശിവൻപിള്ളയുടെ അദ്ധ്യക്ഷതയിൽ സെക്രട്ടറി വി.ജി കിഷോർ, ഡി.സി.സി ജനറൽ സെക്രട്ടറി ലിജു ജോർജ്, പ്രദീപ് നാരായണൻ, എം.എസ്.നിഷ കെ. ജി റെജി, എം.എം ജോസഫ്, ജെസി വർഗീസ്, വി ടി ജയശ്രീ, വർഗീസ് ജോസഫ് എന്നിവർ പ്രസംഗിച്ചു. വിദ്യാഭ്യാസ സമ്മേളനം ജില്ലാ പഞ്ചായത്തംഗം ജെസി അലക്‌സ് ഉദ്ഘാടനം ചെയ്തു. വിദ്യാഭ്യാസ ജില്ലാ പ്രസിഡണ്ട് ഫിലിപ്പ് ജോർജിന്റെ അദ്ധ്യക്ഷതയിൽ എസ്.ദിലീപ് കുമാർ, മഹിള കോൺഗ്രസ് സംസ്ഥാന സെക്രട്ടറി സ്റ്റെല്ല തോമസ്, പ്രീത്. ജി.ജോർജ്, ബിനു കെ.സാം ,ഷിബു തോമസ്, ജിജി വർഗീസ്, പി.ആർ ശശികല എന്നിവർ പ്രസംഗിച്ചു.