തിരുവല്ല: എസ്.എൻ.ഡി.പി യോഗം 4538 കുന്നന്താനം പൊയ്ക ആർ.ശങ്കർ മെമ്മോറിയൽ ശാഖയിൽ ഗുരുദേവ ക്ഷേത്ര നിർമാണത്തിന്റെ ഭാഗമായി കൊടിമര ശിലാന്യാസം നാളെ രാവിലെ 7.58നും 8.31നും മദ്ധ്യേ ക്ഷേത്രം തന്ത്രി പെരുന്ന സന്തോഷ് തന്ത്രിയുടെയും ക്ഷേത്രം സ്ഥപതി മാവേലിക്കര പീതാംബരൻ ആചാരിയുടെയും മുഖ്യകാർമ്മികത്വത്തിൽ നടക്കും. രാവിലെ 6 മുതൽ അഷ്ടദ്രവ്യ മഹാഗണപതിഹോമം, സമൂഹപ്രാർത്ഥന, ഏഴിന് ശിലാപൂജ എന്നിവയുണ്ടാകും.