പത്തനംതിട്ട : മൗണ്ടനീയറിംഗ് അസോസിയേഷൻ ജില്ലാ ചാമ്പ്യൻഷിപ്പ് ഇടപ്പരിയാരം എസ്.എൻ.ഡി.പി.എച്ച്.എസ്-ന് സമീപം കാഞ്ഞിരത്തിനാൽ പാറമടയിൽ ജില്ലാ സ്‌പോഴ്സ് കൗൺസിൽ പ്രസിഡന്റ് കെ.അനിൽകുമാർ ഉദ്ഘാടനം ചെയ്തു. പൗരൻമാരിൽ സാഹസിക മനോഭാവവും, ആരോഗ്യ സംരക്ഷണവും വളർത്തി ജീവിതത്തിലുണ്ടാകുന്ന ഏത് പ്രശ്നങ്ങളേയും അതിജീവിച്ച് മുന്നേറാൻ സജ്ജരാക്കുകയാണ് ഇത്തരം ചാമ്പ്യൻഷിപ്പിന്റെ ലക്ഷ്യമെന്ന് സ്‌പോഴ്സ് കൗൺസിൽ പ്രസിഡന്റ് പറഞ്ഞു. അസോസിയേഷൻ ജില്ലാ പ്രസിഡന്റ് സുനിൽ മംഗലത്ത് അദ്ധ്യക്ഷത വഹിച്ചു. സംസ്ഥാന സെക്രട്ടറി അജിത് ലാൽ മുഖ്യ പ്രഭാഷണം നടത്തി. ജില്ലാ കോഓർഡിനേറ്റർ കെ.ജി.റെജി,സ്‌കൂൾ മാനേജർ എം.എൻ.മോഹനൻ, ഹെഡ്മിസ്ട്രസ്റ്റ് കെ.ശൈലശ്രീ,കേരള സിവിൽ ഡിഫൻസ് ഡെപ്യൂട്ടി ഡിവിഷൻ വാർഡൻ മഞ്ജു വിനോദ് ,ജില്ലാ ട്രഷറർ അജു എസ് ,ജോ. സെക്രട്ടറി രാജി രജികുമാർ, സ്റ്റാഫ് സെക്രട്ടറി പി.കെ.പ്രസന്നൻ എന്നിവർ പ്രസംഗിച്ചു. കൊവിഡ് മാനദണ്ഡങ്ങൾ പാലിച്ച് സൈഡ് റാപ്പറിംഗ്, സ്ട്രിംഗ് റാപ്പറിംഗ്,ആർട്ട് ഫിഷ്യൻ ക്ലൈബിംഗ്,നാച്ചറൽ ക്‌ളൈംബിംഗ്,ഹ്യൂമർ, വാലി ക്രോസിംഗ് കൗളിംഗ്, വാലിക്രോസിംഗ് നോ ർമൽ ,ട്രക്കിംഗ് എന്നിവയിൽ പരിശീലനം നൽകി.