കോന്നി : കോന്നി നിയോജക മണ്ഡലം എൽ.ഡി.എഫ് സ്ഥാനാർത്ഥി അഡ്വ.കെ യു ജനീഷ് കുമാർ നാമനിർദ്ദേശക പത്രിക സമർപ്പിച്ചു. ഇന്നലെ രാവിലെ 11ന് പ്രവർത്തകരോടൊപ്പം പ്രകടനമായെത്തിയാണ് പത്രിക സമർപ്പിച്ചത്. കോന്നി നിയോജക മണ്ഡലം ഉപവരണാധികാരി ടി.വിജയകുമാറിനാണ് പത്രിക കൈമാറിയത്. രണ്ട് സെ​റ്റ് പത്രികയാണ് നൽകിയത്. പ്രമാടം പഞ്ചായത്ത് പ്രസിഡന്റ് എൻ.നവനിത്തും അരുവാപ്പുലം പഞ്ചായത്ത് പ്രസിഡന്റ് രേഷ്മ മറിയം റോയിയുമാണ് നിർദ്ദേശകർ. സ്ഥാനാർത്ഥിക്ക് കെട്ടിവയ്ക്കാനുള്ള തുക പത്തനംതിട്ട ഡി.വൈ.എഫ്.‌ഐ ജില്ലാ കമ്മി​റ്റിയും സഹപാഠിയായ ഫാദർ ബെഞ്ചമിന്റെ കുടുംബവുമാണ് നൽകിയത്. സി.പി.എം സംസ്ഥാന കമ്മി​റ്റി അംഗം ആർ.ഉണ്ണികൃഷ്ണപിള്ള, ജില്ലാ സെക്രട്ടേറിയ​റ്റംഗം പി.ജെ.അജയകുമാർ, കോന്നി ഏരിയ സെക്രട്ടറി ശ്യാംലാൽ,സി .പി.ഐ മണ്ഡലം സെക്രട്ടറി പി.ആർ. ഗോപിനാഥൻ,സി.പി. ഐ നേതാക്കളായ വിജയ വിത്സൺ, കെ.സോമശേഖരൻ, കേരള കോൺഗ്രസ് നേതാക്കളായ ഏബ്രഹാം വാഴയിൽ, റഷീദ് മുളന്തറ, എ.ദീപ കുമാർ എന്നിവർ ഒപ്പം ഉണ്ടായിരുന്നു. രാവിലെ അമ്മ വിജയമ്മയുടെയും കുടുംബാംഗങ്ങളുടെയും ആശീർവാദത്തോടെ വീട്ടിൽ നിന്നിറങ്ങിയ ജനീഷ് രക്തസാക്ഷി,സ്മൃതി മണ്ഡപങ്ങളിൽ പുഷ്പാർച്ചന നടത്തി.സി.പി.എം മുൻ ഏരിയ സെക്രട്ടറിമാരായ എൻ.എസ്.ഭാസി,എൻ.എൻ. സോമരാജൻ ,ജില്ലാ കമ്മി​റ്റിയംഗം എൻ.എൻ.ദാമോദരൻ, ജില്ലാ സെക്രട്ടേറിയറ്റംഗം വി.ആർ.ശിവരാജൻ, സി.ജി.ദിനേശ്, പി. കെ.പ്രഭാകരൻ, വി.കെ. പുരുഷോത്തമൻ, എസ്.അച്യുതൻ നായർ, വിലങ്ങുപാറ സുകുമാരൻ, ആർ.രവീന്ദ്രൻ എന്നിവരുടെ സ്മൃതി മണ്ഡഡപങ്ങളിൽ പുഷ്പാപാർച്ചന നടത്തിയതിന് ശേഷമാണ് പത്രിക സമർപ്പിച്ചത്.