അടൂർ. ജീവകാരുണ്യപ്രസ്ഥാനമായ മഹാത്മ ജനസേവന കേന്ദ്രത്തിന്റെ രക്ഷാധികാരിയായി ചലചിത്ര നടനും, സാമൂഹിക സാംസ്‌കാരിക പ്രവർത്തകനുമായ നെടുമുടിവേണു ചുമതലയേറ്റു. രക്ഷാധികാരിയായിരുന്ന റിട്ട: എസ്.പി ശ്രീനിവാസിന്റെ മരണത്തെ തുടർന്നാണ് തീരുമാനമെന്ന് കേന്ദ്രം ചെയർമാൻ രാജേഷ് തിരുവല്ല അറിയിച്ചു. വയോജന പരിപാലനം, യാചക പുനരധിവാസം എന്നീ മേഖലകളിലായി ചെങ്ങന്നൂർ, കോഴഞ്ചേരി ,കൊടുമൺ അങ്ങാടിക്കൽ, കുളത്തിനാൽ,അടൂർ എന്നിവിടങ്ങളിലായി അഞ്ച് യൂണിറ്റുകളാണ് മഹാത്മജന സേവന കേന്ദ്രത്തിന്റെ കീഴിൽ പ്രവർത്തിക്കുന്നത്. മാഹാത്മ്യം ജീവകാരുണ്യ മാസിക കേന്ദ്രത്തിന്റെ മുഖപത്രമാണ്.