കോന്നി : എൽ.ഡി.എഫ് സ്ഥാനാർത്ഥി അഡ്വ.കെ.യു ജനീഷ് കുമാറിന് ഏനാദിമംഗലത്ത് ലഭിച്ചത് ആവേശകരമായ സ്വീകരണം. രാവിലെ കോന്നിയിൽ നിന്ന് പ്രവർത്തകർക്ക് ഒപ്പമാണ് ഏനാദിമംഗലത്തെ സ്വീകരണ വേദിയിലെത്തിയത്. മുരുകൻകുന്നിൽ എത്തിയപ്പോൾ നൂറുകണക്കിന് പ്രവർത്തകരും നാട്ടുകാരും സ്ഥാനാർത്ഥിയെ കാത്തുനിൽപുണ്ടായിരുന്നു. മുൻ എം.എൽ.എയും സി.പി. എം സംസ്ഥാന കമ്മി​റ്റി അംഗവുമായ ആർ. ഉണ്ണികൃഷ്ണപിള്ള പര്യടനം ഉദ്ഘാടനം ചെയ്തു. .ബൈക്ക് റാലിയുടെ അകമ്പടിയോടെ പാറയ്ക്കലിൽ എത്തി. നാടൻപാട്ടുകളും കലാപരിപാടികളും പ്രവർത്തകരെ ആവേശത്തിലാക്കി. ഏനാദിമംഗലം പഞ്ചായത്തിലെ മങ്ങാട്, ചായലോട്, മണ്ണാ​റ്റൂർ, ലക്ഷംവീട്, പെരുന്തോയ്ക്കൽ, വേടമല, അഞ്ചുമല ,കണ്ണംകര, മൈനാമൺ, മഞ്ഞപ്പുറം, ഉടയോൻമു​റ്റം, കാഞ്ഞുവേലി, ഉദയഗിരി വഴി ഉച്ചയോടെ മാവിളയിൽ എത്തി. പടക്കംപൊട്ടിച്ചും പൂച്ചെണ്ടുകൾ സമ്മാനിച്ചും ചുവന്ന മാല ചാർത്തിയുമാണ് സ്ഥാനാർത്ഥിയെ മാവിളയിൽ വരവേ​റ്റത്. പഞ്ചായത്ത് ജംഗ്ഷൻ, മരുതിമുക്ക് വഴി മുരുപ്പേൽ തറയി

ൽ സമാപിച്ചു.