പത്തനംതിട്ട : ജില്ലയിൽ ഇന്നലെ 87 പേർക്ക് കൊവിഡ് സ്ഥിരീകരിച്ചു.
രോഗം സ്ഥിരീകരിച്ചവരിൽ നാലു പേർ വിദേശത്ത് നിന്ന് വന്നവരും, അഞ്ചു പേർ മറ്റ് സംസ്ഥാനങ്ങളിൽ നിന്ന് വന്നതും, 78 പേർ സമ്പർക്കത്തിലൂടെ രോഗം ബാധിച്ചവരുമാണ്. ഇതിൽ സമ്പർക്കപശ്ചാത്തലം വ്യക്തമല്ലാത്ത അഞ്ചു പേരുണ്ട്.
ജില്ലയിൽ ഇതുവരെ ആകെ 59,821 പേർക്ക് രോഗം സ്ഥിരീകരിച്ചിട്ടുണ്ട്. ഇതിൽ 54,061 പേർ സമ്പർക്കം മൂലം രോഗം ബാധിച്ചവരാണ്. ഇന്നലെ 58 പേർ രോഗമുക്തരായി.

രണ്ടു മരണംകൂടി

ഇന്നലെ ജില്ലയിൽ കൊവിഡ് ബാധിതരായ രണ്ടു പേരുടെ മരണം റിപ്പോർട്ട് ചെയ്തു. ഏനാദിമംഗലം സ്വദേശി (76) കോഴഞ്ചേരി ജില്ലാ ആശുപത്രിയിലും ഏറത്ത് സ്വദേശി (72) ആലപ്പുഴ മെഡിക്കൽ കോളേജ് ആശുപത്രിയിലമാണ് മരിച്ചത്.