തിരുവല്ല: നിയമസഭാ തിരഞ്ഞെടുപ്പിന്റെ ഭാഗമായി തിരുവല്ല പൊലീസ് സ്റ്റേഷൻ പരിധിയിലെ പ്രശ്നബാധിത മേഖലകളിൽ കേന്ദ്ര സേനയുടെ നേതൃത്വത്തിൽ റൂട്ട് മാർച്ച് നടത്തി. ഇൻഡോ ടിബറ്റൻ ബോർഡർ പൊലീസ് സേനയിലെ 35 അംഗ സംഘമാണ് റൂട്ട് മാർച്ച് നടത്തിയത്. സ്റ്റേഷൻ പരിധിയിലെ കുറ്റൂർ, കവിയൂർ, കാവുംഭാഗം എന്നിവിടങ്ങളിലാണ് റൂട്ട് മാർച്ച് സംഘടിപ്പിച്ചത്. തിരുവല്ല സി.ഐ ഹരിലാൽ, എസ്.ഐ പ്രശാന്ത് എന്നിവരുടെ നേതൃത്വത്തിലുള്ള പൊലീസ് സംഘവും റൂട്ട് മാർച്ചിന്റെ ഭാഗമായി. തിരഞ്ഞെടുപ്പ് വേളയിലടക്കം പ്രശ്നബാധിത മേഖലകളിൽ കേന്ദ്ര സേനയുടെ സാന്നിദ്ധ്യം ഉണ്ടാവുമെന്ന് സേനാ ഉദ്യോഗസ്ഥർ പറഞ്ഞു.