പ​ത്ത​നാ​പു​രം: മീൻപി​ടി​ക്കാൻ പോ​യ ആ​ദി​വാ​സി യു​വാ​വി​നെ അ​ച്ചൻ​കോ​വിലാറ്റിൽ മുങ്ങിമ​രി​ച്ച നി​ല​യിൽ ക​ണ്ടെ​ത്തി. മു​ള്ളുമ​ല ​ഗി​രി​ജൻ ​കോ​ള​നി​യിൽ നീ​ലക​ണ്ഠ​ന്റെ​ മ​കൻ ന​സീ​റാ​ണ് (40) മ​രിച്ചത്. ഞായറാഴ്ച്ച രാവിലെ നസീറും ഭാര്യയും മകനും അച്ചൻകോവിലെ ബന്ധുവീട്ടിൽ പോകുന്ന വഴിക്ക് ബന്ധുക്കളു കൂട്ടുകാരും ചേർന്ന് അ​ച്ചൻ​കോ​വി​ലാ​റ്റിൽ മീൻ പിടിക്കുന്നതുകണ്ട് ഇവരും ഒപ്പംകൂടി. ഉച്ചയ്ക്ക് 2 മ​ണിയോടെ ബന്ധുക്കളും സുഹൃത്തുകളും തിരികെ മടങ്ങിയിട്ടും ന​സീ​ർ മീൻപിടിത്തം തുടർന്നു.

വൈകിട്ടായിട്ടും കാണാതായതോടെ ബന്ധുക്കൾ നസീറിനെ ഫോ​ണിൽ ബന്ധപ്പെടാൻ ശ്രമിച്ചെങ്കിലും കിട്ടിയില്ല. തു​ടർ​ന്ന് ബ​ന്ധു​ക്ക​ളും നാ​ട്ടു​കാ​രും ചേർന്ന് പ്രദേശത്ത് അന്വേഷണം ന​ട​ത്തി​യെങ്കിലും കണ്ടെത്താനായില്ല. ഇ​ന്ന​ലെ രാ​വി​ലെ 7 മ​ണി​യോടെ അ​ച്ചൻ​കോ​വി​ലാ​റ്റിൽ അ​റു​ത​ല​ക്ക​യ​ത്തി​നും മു​ക്ക​ട മൂ​ഴി​ക്കു​മി​ട​യിൽ മൃ​ത​ദേ​ഹം ക​ണ്ടെ​ത്തുകയായിരുന്നു.

കാട്ടിൽ പോയി വനവിഭവങ്ങൾ ശേഖരിക്കുന്ന പണിയാണ് ഇയാളുടേത്. നീ​ന്തലറി​യാ​വു​ന്ന ന​സീർ മു​ങ്ങി മരിക്കാൻ സാദ്ധ്യതയില്ലെന്നും മ​ര​ണ​ത്തിൽ ദു​രൂ​ഹ​ത​യു​ണ്ടെ​ന്നും ബ​ന്ധു​ക്കൾ ആ​രോ​പിച്ചു. ഭാ​ര്യ: സു​മ​. മക്കൾ: ഷാ​നു, പ്ര​വീ​ണ.