 ജില്ലാതല ഹരിതചട്ട കോ ഓർഡിനേഷൻ കമ്മിറ്റിയായി

കൊ​ല്ലം: നി​യ​മ​സ​ഭാ ​തി​ര​ഞ്ഞെ​ടു​പ്പ് ഘ​ട്ടങ്ങളിൽ ഹ​രി​ത​ച​ട്ടം പാ​ലി​ക്കാ​ത്ത​വർ​ക്കെ​തി​രെ ന​ട​പ​ടി സ്വീ​ക​രി​ക്കു​മെ​ന്ന് ജി​ല്ലാ​ ക​ള​ക്ടർ ബി. അ​ബ്​ദുൽ​ നാ​സർ അ​റി​യി​ച്ചു. രാ​ഷ്ട്രീ​യ നേ​താ​ക്കൾ, ബ​ന്ധ​പ്പെ​ട്ട ഉ​ദ്യോ​ഗ​സ്ഥർ എ​ന്നി​വർ ഇ​ക്കാ​ര്യ​ത്തിൽ ജാ​ഗ്ര​ത പു​ലർ​ത്ത​ണം. നിബന്ധനകൾ പാലിക്കാതെ പ്രിന്റിം​ഗ് ന​ട​ത്തു​ന്ന സ്ഥാ​പ​ന​ങ്ങ​ളു​ടെ ലൈ​സൻ​സ് റ​ദ്ദാ​ക്കു​ക​യും പി​ഴ ഈ​ടാ​ക്കുകയും ചെയ്യും.

നി​രീ​ക്ഷണത്തിനായി ജി​ല്ലാ ​ക​ള​ക്ട​റു​ടെ അ​ദ്ധ്യ​ക്ഷ​ത​യിൽ ജി​ല്ലാ​ത​ല ഹ​രി​ത​ച​ട്ട കോ​ ഓർ​ഡി​നേ​ഷൻ ക​മ്മി​റ്റി പ്ര​വർ​ത്ത​നം തു​ട​ങ്ങി. കമ്മിറ്റിയിൽ ജി​ല്ലാ ശു​ചി​ത്വ മി​ഷൻ കോ​ ഓർ​ഡി​നേ​റ്റർ കൺ​വീ​ന​റും സി​റ്റി പൊ​ലീ​സ് ക​മ്മീ​ഷ​ണർ, റൂ​റൽ എ​സ്.പി, പ​ഞ്ചാ​യ​ത്ത് ഡെ​പ്യൂ​ട്ടി ഡ​യ​റ​ക്ടർ, തി​ര​ഞ്ഞെ​ടു​പ്പ് ഡെ​പ്യൂ​ട്ടി ക​ള​ക്ടർ, ന​ഗ​ര​കാ​ര്യ റീ​ജി​യ​ണൽ ജോ​യിന്റ് ഡ​യ​റ​ക്ടർ, കു​ടും​ബ​ശ്രീ മി​ഷൻ ജി​ല്ലാ കോ​ ഓർ​ഡി​നേ​റ്റർ, ഹ​രി​ത കേ​ര​ള മി​ഷൻ ജി​ല്ലാ കോ​ ഓർ​ഡി​നേ​റ്റർ, ക്ലീൻ കേ​ര​ള മാനേ​ജർ എ​ന്നി​വർ അം​ഗ​ങ്ങ​ളുമായിരിക്കും.

 നിർബന്ധമാണ് ഇക്കാര്യങ്ങൾ
01. കോ​ട്ടൺ തു​ണി​യിൽ പ്രിന്റ് ചെ​യ്ത​തോ എ​ഴു​തി ത​യ്യാ​റാ​ക്കി​യ​തോ ആ​യ ബോർ​ഡു​കൾ, പേ​പ്പർ, പോ​സ്റ്റ​റു​കൾ, പ​ന​മ്പാ​യ, പുൽ​പ്പാ​യ, ഓല, ഈ​റ, മു​ള, പാ​ള, വാ​ഴ​യി​ല തു​ട​ങ്ങി​യ​വ പ്ര​ചാ​ര​ണ​ത്തി​നാ​യി ഉ​പ​യോ​ഗി​ക്കാം.

02. പ്രിന്റ് ചെ​യ്തി​രി​ക്കു​ന്ന വ​സ്തു, പ്രിന്റ് ചെ​യ്ത സ്ഥാ​പ​നം എന്നിവ രേ​ഖ​പ്പെ​ടു​ത്തി​യി​രി​ക്ക​ണം.
03. പ്ലാ​സ്റ്റി​ക് വ​സ്തു​ക്കള​ട​ങ്ങു​ന്ന ബാ​ന​റു​കൾ, ബോർ​ഡു​കൾ, ഹോർ​ഡിം​ഗു​കൾ, തോ​ര​ണ​ങ്ങൾ, നൂ​ലു​കൾ, റി​ബ​ണു​കൾ, ഹാ​ര​ങ്ങൾ, തെർമ്മോ​ക്കോൾ ഉ​പ​യോ​ഗി​ക്കു​ന്ന ആർ​ച്ചു​കൾ, പി.വി.സി ബോർ​ഡു​കൾ എ​ന്നി​വ പാ​ടി​ല്ല.
04. ഒ​റ്റ​ത്ത​വ​ണ ഉ​പ​യോ​ഗി​ക്കു​ന്ന ഫ്ളക്സ്, വിനയൽ പോലുള്ള പ്ലാ​സ്റ്റി​ക് അ​നു​ബ​ന്ധ വ​സ്തു​ക്കൾ ഉ​പ​യോ​ഗി​ക്ക​രു​ത്. കോ​ട്ടൺ തു​ണി​ക്ക് മാ​ത്ര​മാ​ണ് അ​നു​മ​തി.

05. ഭ​ക്ഷ​ണം, കു​ടി​വെ​ള്ളം എന്നിവയുടെ വി​ത​ര​ണ​ത്തി​ന് പു​ന​രു​പ​യോ​ഗ സാ​ദ്ധ്യ​മാ​യ ഗ്ലാ​സു​ക​ളും പ്ലേ​റ്റു​ക​ളും മാ​ത്രം ഉ​പ​യോ​ഗി​ക്ക​ണം.
06. ഡി​സ്‌​പോ​സ​ബിൾ വ​സ്തു​ക്ക​ളും (പേ​പ്പർ, പ്ലാ​സ്റ്റി​ക്, തെർ​മ്മോ​ക്കോൾ) പ്ലാ​സ്റ്റി​ക്കിൽ പൊ​തി​ഞ്ഞ ആ​ഹാ​രവ​സ്തു​ക്ക​ളും ഉപയോഗിക്കരുത്.

 ഹരിതചട്ട ലംഘനം അറിയിക്കാം: 0474 -2791910