കൊല്ലം: ചവറയുടെ രാഷ്ട്രീയ ചരിത്രം മാറ്റിയെഴുതിയ അപൂർവ വ്യക്തിത്വത്തിന് ഉടമയായിരുന്നു അന്തരിച്ച ചവറയുടെ എം.എൽ.എ വിജയൻ പിള്ളയെന്ന് മുഖ്യമന്ത്രി പിണറായി വിജയൻ പറഞ്ഞു. ച​വ​റ ത​ട്ടാ​ശേ​രി​യിൽ സം​ഘ​ടി​പ്പി​ച്ച എൻ. വി​ജ​യൻ​പി​ള്ള​യു​ടെ ഒ​ന്നാം ചരമ വാർഷിക അ​നു​സ്​മ​ര​ണ സ​മ്മേ​ള​ന​വും വി​ജ​യൻ പി​ള്ള ഫൗ​ണ്ടേ​ഷന്റെ ഉ​ദ്​ഘാ​ട​ന​വും ഓൺ​ലൈ​നി​ലൂ​ടെ നിർ​വ​ഹി​ക്കുകയായിരുന്നു അദ്ദേഹം. വിജയൻ പിള്ളയെ പോലുള്ള നേതാക്കൾ പൊതുപ്രവർത്തകരിൽ വിരളമാണ്. സുഖമില്ലാതെ കിടന്നപ്പോഴും ചവറയുടെ വികസനം മാത്രം മുന്നിൽ കണ്ടാണ് അദ്ദേഹം പ്രവർത്തിച്ചിരുന്നത്. നാടിന്റെ പ്രശ്‌നങ്ങളെ കരുതലോടെ കണ്ട നേതാവായിരുന്നു അദ്ദേഹമെന്നും മുഖ്യമന്ത്രി അനുസ്മരിച്ചു.
സി.പി.എം ജില്ലാ സെക്രട്ടറി എസ്. സുദേവൻ അദ്ധ്യക്ഷനായി. വി​ജ​യൻ​പിള്ള സ്മരണിക പ്രകാശനം മന്ത്രി ജെ. മേഴ്‌സിക്കുട്ടിഅമ്മ നിർവഹിച്ചു. കാ​ഴ്​ച പ​രി​മി​തർ​ക്കു​ള്ള പെൻ​ഷൻ വി​ത​ര​ണം മ​ന്ത്രി കെ. രാ​ജു നിർ​വ​ഹി​ച്ചു.

എം.എൽ.എ മാ​രാ​യ ആർ. രാ​മ​ച​ന്ദ്രൻ, കോ​വൂർ കു​ഞ്ഞു​മോൻ, കെ. സോ​മപ്ര​സാ​ദ് എം.പി, ഡെപ്യൂട്ടി മേയർ കൊല്ലം മധു, ഡോ. സുജിത്ത് വിജയൻ പിള്ള, സി.പി.എം സം​സ്ഥാ​ന​ ക​മ്മി​റ്റി​യം​ഗ​ങ്ങ​ളാ​യ കെ. വ​ര​ദ​രാ​ജൻ, സൂ​സൺ കോ​ടി, കേര​ള കോൺ​ഗ്ര​സ് (എം) ജി​ല്ലാ പ്ര​സി​ഡന്റ് വ​ഴു​താ​ന​ത്ത് ബാ​ല​ച​ന്ദ്രൻ, എൽ.ഡി.എ​ഫ് ച​വ​റ മ​ണ്ഡ​ലം ക​മ്മി​റ്റി കൺ​വീ​നർ ഐ. ഷി​ഹാ​ബ്, സി.പി.എം ച​വ​റ ഏരിയാ സെ​ക്ര​ട്ട​റി ടി. മ​നോ​ഹ​രൻ, സി.പി.ഐ മ​ണ്ഡ​ലം ക​മ്മി​റ്റി സെ​ക്ര​ട്ട​റി പി.ബി. രാ​ജു, ജി​ല്ലാ​ കമ്മി​റ്റി​യം​ഗ​ങ്ങ​ളാ​യ ജി. മു​ര​ളീ​ധ​രൻ, രാ​ജ​മ്മ ഭാ​സ്​ക​രൻ, ആർ. ര​വീ​ന്ദ്രൻ തു​ട​ങ്ങി​യ​വർ സം​സാ​രി​ച്ചു.