കൊട്ടാരക്കര: നഗരസഭ പരിധിയിൽ രൂക്ഷമായ കുടിവെള്ള ക്ഷാമം പരിഹരിക്കുവാൻ അടിയന്തര നടപടികൾ സ്വീകരിക്കണമെന്ന് നഗരസഭ പ്രതിപക്ഷാംഗങ്ങൾ ആവശ്യപ്പെട്ടു.വേനൽ കടുത്തതോടെ പൊതുജനങ്ങൾ കുടിവെള്ളത്തിനുവേണ്ടി നെട്ടോട്ടമോടുകയാണ്. തൃക്കണ്ണമംഗൽ, ഇ.ടി.സി, അമ്പലപ്പുറം, കല്ലുവാതുക്കൽ, പടിഞ്ഞാറ്റിൻകര, ഉഗ്രൻകുന്ന്, മുസ്ളിം സ്ട്രീറ്റ്, പുലമൺ ,​ഈയ്യംകുന്ന്, കിഴക്കേത്തെരുവ് കിഴക്കേക്കര ,നേതാജി നഗർ തുടങ്ങിയ പ്രദേശങ്ങളിലെല്ലാം കുടിവെള്ളക്ഷാമമുണ്ട്. യോഗത്തിൽ പ്രതിപക്ഷ നേതാവ് വി.ഫിലിപ്പ് അദ്ധ്യക്ഷത വഹിച്ചു.നഗരസഭാ കൗൺസിലർമാരായ കണ്ണാട്ട് രവി, ജോളി വർഗീസ്, പവിജ പത്മൻ, സൂജ ജസിം, തോമസ് മാത്യു, ജയ്സി ജോം, സൂസമ്മ എന്നിവർ സംസാരിച്ചു..