കൊ​ല്ലം: മ​ല​ബാർ സി​മന്റ്‌​സി​ന്റെ ലൈം ​സ്‌​റ്റോൺ ഖ​ന​ന​വും കെ.എം.എം.എൽ, ഐ.ആർ.ഇ എ​ന്നി​വി​ട​ങ്ങ​ളി​ലെ ക​രി​മ​ണൽ ഖ​ന​ന​വും ഒഴിച്ചുനിറുത്തിയാൽ സംസ്ഥാനത്തെ പ്രധാന ഖനന വ്യവസായം കരിങ്കൽ ക്വാറികളെ ആശ്രയിച്ചാണ്. ല​ക്ഷക്കണക്കിന് തൊഴിലാളികളാണ് ഈ മേഖലയിലൂടെ ഉപജീവനം നടത്തുന്നത്.

സംസ്ഥാനത്തിന്റെ അ​ടി​സ്ഥാ​ന ​സൗ​ക​ര്യ​ വി​ക​സ​ന​ത്തി​ലും നി​കു​തി വ​രു​മാ​ന​ത്തി​ലും അടക്കം സുപ്രധാന പങ്കുള്ള ക്വാറികൾ അടഞ്ഞതോടെ കാൽ​ ല​ക്ഷ​ത്തോ​ളം തൊ​ഴി​ല​വ​സ​ര​ങ്ങ​ളാ​ണ് ജി​ല്ല​യ്ക്ക് ന​ഷ്ട​മായത്. പാ​റ പൊ​ട്ടി​ക്കു​ന്ന​വർ, ചു​മ​ട്ടുതൊ​ഴി​ലാ​ളി​കൾ, ലോറി ജീ​വ​ന​ക്കാർ, ക​രാ​റു​കാർ, നിർ​മ്മാ​ണമേ​ഖ​ല​യി​ലെ തൊ​ഴി​ലാ​ളി​കൾ എന്നിങ്ങനെ നിരവധിപേരുടെ വയറ്റത്തടിക്കുന്നതാണ് കരിങ്കൽ ഖനനത്തിനേറ്റ തിരിച്ചടി.

 പാളിച്ചയില്ലാത്ത നിയമവ്യവസ്ഥകൾ

ഒ​രു ക​രി​ങ്കൽ ക്വാ​റി പ്ര​വർ​ത്തി​പ്പി​ക്കു​ന്ന​തി​ന് നി​ല​വി​ലെ നി​യ​മ​വ്യ​വ​സ്ഥ അ​നു​സ​രി​ച്ച്​ പ​രി​സ്ഥി​തി ആ​ഘാ​ത നിർണ​യ അ​തോ​റി​റ്റി​യിൽ നിന്ന് എൻ​വയോൺ​മെന്റൽ ക്ലിയറൻ​സ് ല​ഭി​ക്ക​ണം. ഇ​തി​നു​ശേ​ഷം സം​സ്ഥാ​ന മൈ​നിം​ഗ് ആൻഡ് ജി​യോ​ള​ജി വ​കു​പ്പിൽ നിന്ന് പെർമി​റ്റ് വാ​ങ്ങ​ണം. തു​ടർ​ന്ന് കേ​ന്ദ്ര സർക്കാരിന്റെ പെ​ട്രോ​ളി​യം ആൻ​ഡ് എ​ക്‌​സ്‌​പ്ലോ​സീ​വ് സു​ര​ക്ഷാ ഓർ​ഗ​നൈ​സേ​ഷ​ന്റെ (പെ​സോ) സ്‌​ഫോ​ട​ക വ​സ്​തു​ക്കൾ വാ​ങ്ങു​ന്ന​തി​നും സൂ​ക്ഷി​ക്കു​ന്ന​തി​നു​മു​ള്ള ലൈ​സൻ​സ്, ഖ​ന​നസു​ര​ക്ഷാ ഡ​യ​റ​ക്ട​റേ​റ്റി​ന്റെ അ​നു​മ​തി എന്നിവയും ല​ഭി​ച്ചാൽ മാ​ത്ര​മേ ഖ​ന​നം ആ​രം​ഭി​ക്കാൻ ക​ഴി​യു​ക​യു​ള്ളൂ.

 മരടിൽ അവലംബിച്ച സാങ്കേതികത്വം

ഭൂ​പ്ര​കൃ​തി, ജ​ന​സാ​ന്ദ്ര​ത എ​ന്നി​വ​യു​ടെ പ്രത്യേകതയാൽ മ​റ്റു സം​സ്ഥാ​ന​ങ്ങ​ളി​​ലേ​തു​പോ​ലെ തീ​വ്ര​ത​കൂ​ടി​യ വാ​ഗൺ ഡ്രിൽ ഖ​ന​നം കേരളത്തിലെ ക്വാറികളിൽ സാ​ദ്ധ്യ​മ​ല്ല. നോ​ണൽ ഡി​റ്റ​ണേ​റ്റർ ഉ​പ​യോ​ഗി​ച്ചു​ള്ള ഖ​ന​ന​മാ​ണ് സംസ്ഥാനത്ത് പി​ന്തു​ട​രു​ന്ന​ത്. ചീളുകൾ തെറിച്ചുണ്ടാകുന്ന അ​പ​ക​ട​ങ്ങ​ളും പ്രകമ്പനങ്ങളും കു​റ​യ്ക്കാൻ സാധിക്കുന്ന ഇതേ സാങ്കേതികവിദ്യയാണ് മ​ര​ടി​ലെ ഫ്‌​ളാ​റ്റു​കൾ പൊളിക്കാനും ഉപയോഗിച്ചത്. നി​യ​ന്ത്രി​ത സ്‌​ഫോ​ട​ന​ങ്ങളിലൂടെയുള്ള ശാ​സ്​ത്രീ​യ​ഖ​ന​നം പ്രോ​ത്സാ​ഹി​പ്പി​ക്കു​ന്ന​ത് വ്യ​വ​സാ​യ മേഖലയ്​ക്ക് ഉ​ണർവേ​കു​ന്ന​തി​നൊ​പ്പം സമൂഹത്തിന്റെ ആ​ശ​ങ്ക​കളകറ്റി സ​മ്പ​ദ്​ഘ​ട​ന മെ​ച്ച​പ്പെടുത്താനും വഴിയൊരുക്കും.

 ക്വാ​റി അ​നു​ബ​ന്ധ തൊ​ഴി​ലു​കൾ

 പാ​റ പൊ​ട്ടി​ക്കു​ന്ന​വർ

 കൂ​ട​ക്കാർ

 മെ​റ്റ​ല​ടി​ക്കു​ന്ന സ്​ത്രീ തൊ​ഴി​ലാ​ളി​കൾ

 ചു​മ​ട്ടുതൊ​ഴി​ലാ​ളി​കൾ

 ലോറി ജീ​വ​ന​ക്കാർ

 ക്ര​ഷ​റു​കളിലെ ജീവനക്കാർ

 ക​രാ​റു​കാർ

 നിർ​മ്മാ​ണ മേ​ഖ​ല​യി​ലെ തൊ​ഴി​ലാ​ളി​കൾ