കൊല്ലം: കടപ്പാക്കടയിൽ ലഹരി ഗുളികകളുമായി യുവാവ്​ പിടിയിലായി. കടപ്പാക്കട ജനയുഗം നഗർ 64ൽ ദീപുവാണ് (24) ഷാഡോ സംഘത്തിന്റെയും ഇൗസ്​റ്റ്​ പൊലീസിന്റെയും പിടിയിലായത്​. ഇയാളുടെ പക്കൽ നിന്ന് 20 ഗ്രാം ലഹരി ഗുളികകൾ കണ്ടെടുത്തു.

ലഹരി കടത്ത്​ സംഘങ്ങളുമായി ബന്ധമുണ്ടായിരുന്ന ഇയാൾ കുറച്ചുനാളുകളായി ഷാഡോ സംഘത്തിന്റെ നിരീക്ഷണത്തിലായിരുന്നു. എറണാകുളത്ത്​ നിന്ന്​ ഗുളികകൾ വാങ്ങിയശേഷം കടപ്പാക്കടയിലെ വീട്ടിലെത്തിയപ്പോഴാണ്​ ഇയാളെ പിടികൂടിയത്​. ഷാഡോ എസ്​.ഐ ആർ. ജയകുമാർ, എ.എസ്.ഐ ബൈജു പി. ജെറോം, എസ്. സജു, കെ. സീനു, ജി. മനു, റിപ്, രതീഷ്,​ ഇൗസ്​റ്റ്​ പൊലീസ്​ എസ്​.ഐമാരായ സമ്പത്ത്​, ദിൽജിത്​ എന്നിവരടങ്ങിയ സംഘമാണ്​ പ്രതിയെ പിടികൂടിയത്​.