ശാസ്താംകോട്ട: സഹോദരങ്ങളെ വീടുകയറി ആക്രമിച്ച പ്രതികളെ പൊലീസ് പിടികൂടി. ശാസ്താംകോട്ട പള്ളിശേരിക്കൽ മുട്ടത്തല്ലടത്ത് വടക്കതിൽ മുഹമ്മദ് സലിം (21),​ പള്ളിശേരിക്കൽ അർഷാദ് നിവാസിൽ ഇർഷാദ് (28),​ എ.കെ.എം ഹൗസിൽ അഫ്സൽ (29),​ കളത്തുവിള പടിഞ്ഞാറ്റതിൽ സൽമാനുൽ ഫാരിസി (28) എന്നിവരെയാണ് ശാസ്താംകോട്ട പൊലീസ് അറസ്റ്റ് ചെയ്തത്. വീടുകയറി ഷമീറിനെയും സഹോദരനെയും കമ്പിവടികൊണ്ട് ആക്രമിച്ച് പരിക്കേൽപിച്ച കേസിലാണ് ഇവർ പിടിയിലായത്.