തൃശൂർ: ജില്ലയിൽ 196 പേർക്ക് കൂടി കൊവിഡ് സ്ഥിരീകരിച്ചു. 211 പേർ രോഗമുക്തരായി. ജില്ലയിൽ രോഗബാധിതരായി ചികിത്സയിൽ കഴിയുന്നവരുടെ എണ്ണം 1664 ആണ്. തൃശൂർ സ്വദേശികളായ 44 പേർ മറ്റു ജില്ലകളിൽ ചികിത്സയിൽ കഴിയുന്നു. സമ്പർക്കം വഴി 191 പേർക്കാണ് രോഗം സ്ഥിരീകരിച്ചത്. കൂടാതെ സംസ്ഥാനത്തിന് പുറത്തുനിന്ന് എത്തിയ മൂന്ന് പേർക്കും ഉറവിടം അറിയാത്ത രണ്ട് പേർക്കും രോഗബാധ ഉണ്ടായിട്ടുണ്ട്. രോഗ ബാധിതരിൽ 60 വയസ്സിനുമുകളിൽ 15 പുരുഷൻമാരും 16 സ്ത്രീകളും പത്ത് വയസ്സിനു താഴെ ഏഴ് ആൺകുട്ടികളും രണ്ട് പെൺകുട്ടികളുമുണ്ട്. 87 പേർ പുതിയതായി ചികിത്സയിൽ പ്രവേശിച്ചതിൽ 29 പേർ ആശുപത്രിയിലും 58 പേർ വീടുകളിലുമാണ്. 7045 സാമ്പിളുകളാണ് പരിശോധനയ്ക്ക് എടുത്തത്. 452 ഫോൺ വിളികളാണ് ജില്ലാ കൺട്രോൾ സെല്ലില്ലേക്ക് വന്നത്. ആറ് പേർക്ക് സൈക്കോ സോഷ്യൽ കൗൺസിലർമാർ വഴി കൗൺസലിംഗ് നൽകി.