തൃപ്രയാർ: പടിഞ്ഞാറെക്കരയിലെ ഗ്രാമപ്രദക്ഷിണം പൂർത്തിയാക്കി തൃപ്രയാർ തേവർ പുഴ കടന്നു. ഇനി കിഴക്കെക്കരയിലെ ഗ്രാമപ്രദക്ഷിണമാണ്. സ്വന്തം പള്ളിയോടത്തിലാണ് തേവർ പുഴ കടന്നത്. ബുധനാഴ്ച സന്ധ്യക്ക് തേവരെ യാത്രഅയക്കാൻ പടിഞ്ഞാറെ കരയിലും വരവേൽക്കാൻ കിഴക്കെക്കരയിലും ഭക്തർ തടിച്ചുകൂടി. നിയമവെടിക്ക് ശേഷമായിരുന്നു തേവരുടെ യാത്ര.

പുറത്തേക്കെഴുന്നള്ളിയ തേവർ മൂന്ന് തവണ ക്ഷേത്രത്തെ പ്രദക്ഷിണം വച്ചു. തൃക്കോൽ ശാന്തി തേവരുടെ ചിലമ്പ് പള്ളിയോടത്തിലെ ചേങ്ങിലയിൽ ഘടിപ്പിച്ചു. തിടമ്പുള്ള കോലം എഴുന്നള്ളിച്ച് വച്ചു. കുത്തുവിളക്ക് കോലത്തിന് മുന്നിൽ പിടിച്ചു. തുടർന്ന് തൃക്കോൽ ശാന്തി ഓടം തുഴഞ്ഞു. ഈ സമയം ഇരുകരകളിൽ നിന്നും ശംഖനാദം മുഴങ്ങി.

നിലയ്ക്കാത്ത രാമനാമവും ഉയർന്നു. തേവർ കിഴക്കെ കരയിലെത്തിയതോടെ കർപ്പൂരദീപങ്ങളും കരിമരുന്ന് പ്രയോഗവും വരവേറ്റു. മണ്ഡപത്തിൽ ഇറക്കി എഴുന്നള്ളിച്ച തേവർക്ക് ആമലത്തുതറവാട്ടുകാർ പറ നിറച്ചു. തുടർന്ന് മൂന്നാനകളോടെ കിഴക്കെനട പൂരത്തിൽ തേവർ എഴുന്നള്ളി. ദേവസ്വം ഗോവിന്ദൻ സ്വർണ്ണക്കോലം വഹിച്ചു. പഞ്ചവാദ്യം കൊട്ടിത്തിമിർത്തു. ശേഷം തേവർ ഊരായ്മ ഇല്ലങ്ങളായ ചേലൂർ, പുന്നപ്പുള്ളി മന, ജ്ഞാനപ്പിള്ളി മന, മുറ്റിച്ചൂർ കൊട്ടാരം, കുന്നത്തുമന എന്നിവിടങ്ങളിൽ പറ നിറച്ചു. തുടർന്ന് കുട്ടൻകുളം ക്ഷേത്രത്തിൽ ഇറക്കി പൂജയും ആറാട്ടും കഴിഞ്ഞ് തിരിച്ചെത്തി.

ആ​റാ​ട്ടു​പു​ഴ​ ​പൂ​രം​ ​നാ​ളെ

ചേ​ർ​പ്പ്:​ 24​ ​ക്ഷേ​ത്ര​ങ്ങ​ളി​ൽ​ ​നി​ന്നു​ള്ള​ ​ദേ​വീ​ ​ദേ​വ​ന്മാ​ർ​ ​പ​ങ്കെ​ടു​ക്കു​ന്ന​ ​ഏ​റ്റ​വും​ ​വ​ലി​യ​ ​ദേ​വ​മേ​ള​യാ​യ​ ​ആ​റാ​ട്ടു​പു​ഴ​ ​പൂ​രം​ ​നാ​ളെ​ ​ആ​ഘോ​ഷി​ക്കും.​ ​ആ​ഘോ​ഷ​ങ്ങ​ളേ​ക്കാ​ൾ​ ​ച​ട​ങ്ങു​ക​ൾ​ക്ക് ​പ്രാ​ധാ​ന്യ​മു​ള്ള​താ​ണ് ​ആ​റാ​ട്ടു​പു​ഴ​ ​പൂ​രം.

നി​ത്യ​പൂ​ജ​ക​ൾ,​ ​ശ്രീ​ഭൂ​ത​ബ​ലി​ ​എ​ന്നി​വ​യ്ക്ക് ​ശേ​ഷം​ ​ദേ​വ​മേ​ള​യ്ക്ക് ​സാ​ക്ഷി​യാ​കാ​നും​ ​ആ​തി​ഥേ​യ​ത്വം​ ​വ​ഹി​ക്കാ​നും​ ​ശാ​സ്താ​വ് ​സ​ർ​വാ​ഭ​ര​ണ​ ​വി​ഭൂ​ഷി​ത​നാ​യി​ ​ഗ​ജ​വീ​ര​ന്മാ​രു​ടെ​ ​അ​ക​മ്പ​ടി​യോ​ടെ​ ​പു​റ​ത്തേ​ക്കെ​ഴു​ന്ന​ള്ളും.​ ​പ​ഞ്ചാ​രി​മേ​ളം​ ​അ​ക​മ്പ​ടി​യാ​കും.​ ​തു​ട​ർ​ന്ന് ​ശാ​സ്താ​വ് ​ഏ​ഴു​ക​ണ്ടം​ ​വ​രെ​ ​പോ​കു​ക​യും​ ​മ​ട​ക്ക​യാ​ത്ര​യി​ൽ​ ​ശാ​സ്താ​വ് ​നി​ല​പാ​ടു​ത​റ​യി​ൽ​ ​ഏ​വ​ർ​ക്കും​ ​ആ​തി​ഥ്യ​മ​രു​ളി​ ​നി​ല​പാ​ടു​ ​നി​ൽ​ക്കും.​ ​ചാ​ത്ത​ക്കു​ടം​ ​ശാ​സ്താ​വി​ന്റെ​ ​പൂ​ര​ത്തി​ന് ​ശേ​ഷം​ ​എ​ട​ക്കു​ന്നി​ ​ഭ​ഗ​വ​തി​യു​ടെ​ ​സാ​ന്നി​ദ്ധ്യ​ത്തി​ൽ​ ​ചാ​ത്ത​ക്കു​ടം​ ​ശാ​സ്താ​വി​ന് ​നി​ല​പാ​ടു​ ​നി​ൽ​ക്കാ​ൻ​ ​ഉ​ത്ത​ര​വാ​ദി​ത്വ​മേ​ൽ​പ്പി​ച്ച് ​ആ​റാ​ട്ടു​പു​ഴ​ ​ശാ​സ്താ​വ് ​ക്ഷേ​ത്ര​ത്തി​ലേ​ക്കെ​ഴു​ന്ന​ള്ളും.
ആ​റാ​ട്ടു​പു​ഴ​ ​ശാ​സ്താ​വ് ​നി​ല​പാ​ടു​ത​റ​യി​ലെ​ത്തി​യാ​ൽ​ ​ദേ​വീ​ദേ​വ​ന്മാ​രു​ടെ​ ​പൂ​ര​ങ്ങ​ൾ​ ​ആ​രം​ഭി​ക്കും.​ ​തേ​വ​ർ​ ​കൈ​ത​വ​ള​പ്പി​ലെ​ത്തു​ന്ന​തു​ ​വ​രെ​ ​എ​ഴു​ന്ന​ള്ളി​പ്പു​ക​ൾ​ ​തു​ട​രും.​ ​രാ​ത്രി​ ​പ​തി​നൊ​ന്നോ​ടെ​ ​തൊ​ട്ടി​പ്പാ​ൾ​ ​ഭ​ഗ​വ​തി​യോ​ടൊ​പ്പം​ ​ചാ​ത്ത​കു​ടം​ ​ശാ​സ്താ​വി​ന്റെ​ ​എ​ഴു​ന്ന​ള്ളി​പ്പ് ​ന​ട​ക്കും.​ ​തു​ട​ർ​ന്ന് ​പൂ​നി​ലാ​ർ​ക്കാ​വ്,​ ​ക​ടു​പ്പ​ശ്ശേ​രി,​ ​ചാ​ല​ക്കു​ടി​ ​പി​ഷാ​രി​ക്ക​ൽ,​​​ ​എ​ട​ക്കു​ന്നി​ ​ഭ​ഗ​വ​തി,​​​ ​അ​ന്തി​ക്കാ​ട് ​ചൂ​ര​ക്കോ​ട് ​ഭ​ഗ​വ​തി​ ​എ​ന്നി​വ​ർ​ ​എ​ഴു​ന്ന​ള്ളും.
പൂ​രം​ ​ദി​വ​സം​ ​അ​ർ​ദ്ധ​രാ​ത്രി​ ​ദേ​വ​മേ​ള​യ്ക്ക് ​നാ​യ​ക​ത്വം​ ​വ​ഹി​ക്കു​ന്ന​ ​തൃ​പ്ര​യാ​ർ​ ​തേ​വ​ർ​ ​കൈ​ത​വ​ള​പ്പി​ൽ​ ​എ​ത്തും.​ ​തേ​വ​ർ​ക്ക് ​അ​ക​മ്പ​ടി​യാ​യി​ ​പ​ഞ്ച​വാ​ദ്യ​വും​ ​തു​ട​ർ​ന്ന് ​പാ​ണ്ടി​മേ​ള​വും​ ​അ​ര​ങ്ങേ​റും.​ ​പാ​ണ്ടി​ ​മേ​ളം​ ​അ​വ​സാ​നി​ക്കു​ന്ന​തോ​ടെ​ ​ഇ​ട​തു​വ​ശ​ത്ത് ​ചാ​ത്ത​ക്കു​ടം​ ​ശാ​സ്താ​വി​നോ​ടൊ​പ്പം​ ​ഊ​ര​ക​ത്ത​മ്മ​തി​രു​വ​ടി​യും​ ​വ​ല​തു​ഭാ​ഗ​ത്ത് ​ചേ​ർ​പ്പ് ​ഭ​ഗ​വ​തി​യും​ ​അ​ണി​നി​ര​ക്കും.​ ​ദൃ​ശ്യ​ശ്രാ​വ്യ​സു​ന്ദ​ര​മാ​യ​ ​കൂ​ട്ടി​എ​ഴു​ന്ന​ള്ളി​പ്പി​ന് ​സാ​ക്ഷ്യം​ ​വ​ഹി​ക്കാ​ൻ​ ​ഭ​ക്ത​ജ​ന​ങ്ങ​ൾ​ ​ഒ​ത്തു​ചേ​രും.​ ​തേ​വ​ർ​ ​കൈ​ത​വ​ള​പ്പി​ൽ​ ​എ​ത്തു​ന്ന​തോ​ടെ​ ​ദേ​വി​മാ​രു​ടെ​ ​ആ​റാ​ട്ട് ​തു​ട​ങ്ങും.​ ​കൂ​ട്ടി​യെ​ഴു​ന്ന​ള്ളി​പ്പി​ന് ​ശേ​ഷം​ ​വി​ള​ക്കാ​ചാ​രം,​ ​കേ​ളി​പ്പ​റ്റ് ​എ​ന്നി​വ​ ​ക​ഴി​ഞ്ഞാ​ൽ​ ​തേ​വ​രും,​​​ ​ഊ​ര​ക​ത്ത​മ്മ​ത്തി​രു​വ​ടി​യും,​​​ ​ചേ​ർ​പ്പ് ​ഭ​ഗ​വ​തി​യും​ ​ആ​റാ​ട്ടി​നാ​യി​ ​മ​ന്ദാ​രം​ ​ക​ട​വി​ലേ​ക്ക് ​എ​ഴു​ന്ന​ള്ളും.​ ​ഇ​വി​ടെ​ ​പ്ര​ത്യേ​കം​ ​സ​ജ്ജ​മാ​ക്കി​യി​ട്ടു​ള്ള​ ​മ​ണ്ഡ​പ​ത്തി​ൽ​ ​ദേ​വീ​ദേ​വ​ന്മാ​രെ​ ​ഇ​റ​ക്കി​യെ​ഴു​ന്ന​ള്ളി​ക്കും.​ ​തു​ട​ർ​ന്ന് ​ആ​റാ​ട്ട് ​ന​ട​ക്കും.