കൊടുങ്ങല്ലൂർ: കോട്ടപ്പുറം സെന്റ് മൈക്കിൾസ് കത്തീഡ്രലിൽ വിശുദ്ധവാര തിരുകർമ്മങ്ങൾക്ക് തുടക്കമായി. ഓശാന ഞായറാഴ്ച കുരുത്തോല വെഞ്ചിരിപ്പും പള്ളിയിലേക്ക് പ്രദക്ഷിണവും തുടർന്ന് ദിവ്യബലിയും നടന്നു. തിരുകർമ്മങ്ങൾക്ക് കോട്ടപ്പുറം രൂപതാ മെത്രാൻ ഡോ. ജോസഫ് കാരിക്കശ്ശേരി നേതൃത്വം നൽകി. കത്തീഡ്രൽ വികാരി ഫാ. അംബ്രോസ് പുത്തൻവീട്ടിൽ, ഫാ. വർഗീസ് കാട്ടാശ്ശേരി, ഫാദർ ഡെന്നിസ് അവിട്ടംപിള്ളി എന്നിവർ സഹകാർമ്മികത്വം വഹിച്ചു.