കേരളത്തിലെ സിനിമാ തിയേറ്ററുകളിൽ എത്രയും വേഗം സെക്കൻഡ് ഷോ അനുവദിക്കണമെന്ന ആവശ്യമുന്നയിച്ചുകൊണ്ട് തിരുവനന്തപുരം, കൊല്ലം ജില്ലകളിലെ തിയേറ്റർ ഉടമകളും ജീവനക്കാരും സിനിമാ വിതരണ രംഗത്തെ ജീവനക്കാരും മാർച്ച് 8ന് തിങ്കളാഴ്ച രാവിലെ സെക്രട്ടേറിയറ്റിന് മുന്നിൽ ധർണ നടത്തും. രാവിലെ 10 മണിക്ക് അയ്യങ്കാളി ഹാളി (വി.ജെ.ടി ഹാൾ) ന് മുന്നിൽ ഒത്തുചേർന്ന ശേഷം ജാഥയായി നീങ്ങിയായിരിക്കും സെക്രട്ടേറിയറ്റിന് മുന്നിലെത്തുകയെന്ന് പ്രതിനിധികൾ അറിയിച്ചു. സെക്കൻഡ് ഷോയ്ക്ക് അനുമതി​ നൽകണമെന്ന് ആവശ്യപ്പെട്ട് ഫെബ്രുവരി​ 25ന് ഫി​ലി​ം ചേംബർ മുഖ്യമന്ത്രി​ക്ക് കത്തുനൽകി​യി​രുന്നെങ്കി​ലും ഒരു നടപടി​യും ഉണ്ടാകാത്ത സാഹചര്യത്തി​ലാണ് ധർണ്ണ സംഘടി​പ്പി​ക്കാൻ സി​നി​മാ പ്രവർത്തകർ തീരുമാനി​ച്ചത്.