വർക്കല: വേണാട് എക്‌സ്പ്രസിൽ നിന്നും കളഞ്ഞുകിട്ടിയ പണം സ്റ്റേഷൻ മാസ്റ്ററെ ഏല്പിച്ച് യുവാക്കൾ മാതൃകയായി. കോട്ടയത്ത് നടന്ന റെയിൽവേയുടെ ടെസ്റ്റ് എഴുതിയ ശേഷം വേണാട് എക്‌സ്പ്രസിൽ വർക്കലയിലേക്ക് വരികയായിരുന്ന വർക്കല ശ്രീനിവാസപുരം ഗുരുകൃപയിൽ വിഷ്ണുറാം, ചെറുകുന്നം ലാസ്‌കാ ഡെയ്‌ലിൽ അശ്വത്, പാലച്ചിറ ലതാറാമിൽ രാഹുൽ എന്നീ യുവാക്കൾക്കാണ് പണം ലഭിച്ചത്. കോട്ടയത്തിനും കായംകുളത്തിനും മദ്ധ്യേ ഇവർ സഞ്ചരിച്ച കമ്പാർട്ട്മെന്റിലെ സീറ്റിൽ നിന്നാണ് പണം കിട്ടിയത്. ഉടൻ തന്നെ ഇവർ പണം വർക്കല ശിവഗിരി റെയിൽവേസ്റ്റേഷൻ മാസ്റ്റർ സി. പ്രസന്നകുമാറിനെ ഏൽപ്പിക്കുകയായിരുന്നു. പണത്തിന്റെ ഉടമ വർക്കല ശിവഗിരി റെയിൽവേ സ്റ്റേഷൻ മാസ്റ്ററുമായി ബന്ധപ്പെടേണ്ടതാണ്. ഫോൺ: 9567468099