പൂർണമായും യുഎഇയിൽ ചിത്രീകരിച്ച മലയാളചിത്രം 'ദേരഡയറീസ് ' ഒ.ടി.ടി റിലീസിന്. എം.ജെ.എസ് മീഡിയയുടെ ബാനറിൽ ഫോർ അവർ ഫ്രണ്ട്സിനു വേണ്ടി മധു കറുവത്ത് നിർമ്മിക്കുന്ന ദേരഡയറീസ്, രചന നിർവ്വഹിച്ച് സംവിധാനം ചെയ്യുന്നത് മുഷ്ത്താഖ് റഹ്മാൻ കരിയാടനാണ്. മാർച്ച് 19ന് ചിത്രം നിസ്ട്രീമിലൂടെ പ്രേക്ഷകരുടെ മുന്നിലെത്തുന്നു. യു.എ.ഇയിൽ നാലുപതിറ്റാണ്ടോളം പ്രവാസ ജീവിതം നയിച്ച യൂസഫ് എന്ന അറുപതുകാരൻ, അറിഞ്ഞോ അറിയാതെയോ നിരവധി വ്യക്തികളിൽ ചെലുത്തിയ സ്വാധീനം വ്യത്യസ്തരീതികളിൽ അവതരിപ്പിക്കുന്ന ചിത്രമാണ് ദേരഡയറീസ്. കണ്ടുമടുത്ത പ്രവാസത്തിന്റെയും ഗൾഫിന്റെയും കഥകളിൽ നിന്നുള്ള വേറിട്ട സഞ്ചാരം കൂടിയാണീ ചിത്രം. അബുവളയംകുളം, ഷാലുറഹീം, അർഫാസ് ഇക്ബാൽ, മധു കറുവത്ത്, ഷമീർഷാ, രൂപേഷ് തലശ്ശേരി, പ്രശാന്ത് കൃഷ്ണൻ, ജയരാജ്, അഷ്റഫ് കളപ്പറമ്പിൽ, രാകേഷ് കുങ്കുമത്ത്, ബെൻ സെബാസ്റ്റ്യൻ, ഫൈസൽ, അബ്രഹാം ജോർജ്ജ്, സഞ്ജു ഫിലിപ്സ്, അജേഷ് രവീന്ദ്രൻ, വിനയൻ, നവീൻഇല്ലത്ത്, റോണി അബ്രഹാം, കണ്ണൻചന്ദ്ര, കിരൺപ്രഭാകർ, സാൽമൺ, സുനിൽ ലക്ഷ്മീകാന്ത്, സംഗീത, സന്തോഷ് തൃശൂർ, അഷ്റഫ് കിരാലൂർ, കൃഷ്ണപ്രിയ, ലതാദാസ്, സാറസിറിയക്, അനുശ്രീ, ബിന്ദുസഞ്ജീവ്, രമ്യ, രേഷ്മരാജ്, സിൻജൽ സാജൻ, ബേബി ആഗ്നലെ എന്നിവർക്കൊപ്പം യുഎഇയിലെ മറ്റുകലാകാരന്മാരും ചിത്രത്തിൽ കഥാപാത്രങ്ങളായെത്തുന്നു. ഛായാഗ്രഹണം: ധീൻ

കമർ, എഡിറ്റിംഗ്: നവീൻ പി. വിജയൻ, പ്രൊഡക്ഷൻ കൺട്രോളർ: ബാദുഷ, ഗാനരചന: ജോപോൾ, സംഗീതം, പശ്ചാത്തല സംഗീതം: സിബു സുകുമാരൻ, ആലാപനം - വിജയ് യേശുദാസ്, നജീം അർഷാദ്, കെ.എസ്.ഹരിശങ്കർ, ആവണി, ചമയം: സുബ്രു തിരൂർ, കല: പ്രദീപ്.എം.പി, സജീന്ദ്രൻ പുത്തൂർ, വസ്ത്രാലങ്കാരം: അജിമുളമുക്ക്, സജിത്ത് അബ്രഹം, അസോസിയേറ്റ് ഡയറക്ടർ: അജീംഷാ, മുനീർ പൊന്നൾപ്പ്, ശബ്ദലേഖനം: വൈശാഖ് സോബൻ, ശബ്ദമിശ്രണം: ഫസൽ. എബക്കർ, പ്രൊഡക്ഷൻ മാനേജർ: റെജു ആന്റണി ഗബ്രിയേൽ (യു.എ.ഇ), പി.ആർ.ഒ: അജയ്തുണ്ടത്തിൽ.