തിരുവനന്തപുരം: നിയമസഭാ തിരഞ്ഞെടുപ്പിൽ സി.പി.ഐ മത്സരിക്കുന്ന 25 സീറ്റുകളിൽ 21 സീറ്റിലേക്കുള്ള സ്ഥാനാർത്ഥികളെ സംസ്ഥാന സെക്രട്ടറി കാനം രാജേന്ദ്രൻ പ്രഖ്യാപിച്ചു. മന്ത്രി ഇ. ചന്ദ്രശേഖരനും ഡെപ്യൂട്ടി സ്പീക്കർ വി. ശശിയും ചീഫ് വിപ്പ് കെ. രാജനുമടക്കം 12 സിറ്റിംഗ് എം.എൽ.എമാർ വീണ്ടും മത്സരിക്കും. മൂന്ന് ടേം പൂർത്തിയാക്കിയ മന്ത്രിമാരായ വി.എസ്. സുനിൽകുമാർ, കെ. രാജു, പി. തിലോത്തമൻ എന്നിവർ ഒഴിവായി. ഇന്നലെ ചേർന്ന സംസ്ഥാന എക്സിക്യൂട്ടീവ്, കൗൺസിൽ യോഗങ്ങളിലാണ് സ്ഥാനാർത്ഥിപ്പട്ടിക അന്തിമമായി അംഗീകരിച്ചത്. പുതുതായെത്തിയ 9 പേരിൽ സുപാൽ മുമ്പ് എം.എൽ.എ ആയിട്ടുണ്ട്.

ചടയമംഗലം, ഹരിപ്പാട്, പറവൂർ, നാട്ടിക മണ്ഡലങ്ങളിലേക്കുള്ള സ്ഥാനാർത്ഥിപ്രഖ്യാപനമാണ് മാറ്റിയത്. സംസ്ഥാന കൗൺസിലിലുയർന്ന ചർച്ചകളുടെ അടിസ്ഥാനത്തിൽ കൂടുതൽ കൂടിയാലോചനകൾക്കായി മാറ്റുകയായിരുന്നു.

 വനിതാ പ്രാതിനിദ്ധ്യം ആശയിലൊതുങ്ങി

21 മണ്ഡലങ്ങളിൽ വനിതാ പ്രാതിനിദ്ധ്യം സംവരണമണ്ഡലമായ വൈക്കത്തെ സിറ്റിംഗ് എം.എൽ.എയായ സി.കെ. ആശയിലൊതുങ്ങി. ഇതിൽ സംസ്ഥാന കൗൺസിലിൽ വനിതാ അംഗങ്ങൾ വിമർശനമുയർത്തി. 33 ശതമാനം വനിതാ സംവരണത്തിനായി വാദിക്കുന്ന മഹിളാസംഘത്തിന് അപമാനമാണെന്നായിരുന്നു വിമർശനം.

സംവരണ മണ്ഡലമായ നാട്ടികയിൽ രണ്ട് ടേം മാത്രം മത്സരിച്ച ഗീതാ ഗോപിക്ക് പകരം ജില്ലാ, മണ്ഡലം കമ്മിറ്റികൾ നിർദ്ദേശിച്ചത് വേറെ പേരുകളായിരുന്നു. പാനലിലുൾപ്പെട്ട പേരുകൾ പുരുഷന്മാരുടേതായതിനാൽ, കൗൺസിലിലെ വിമർശനം കൂടി ഉൾക്കൊണ്ട് വനിതയെ പരിഗണിക്കാൻ യോഗം നിർദ്ദേശിച്ചു. മറ്റ് പേരുകളില്ലെങ്കിൽ ഗീത ഗോപിയെ തന്നെയാവും പരിഗണിക്കുക. ചടയമംഗലത്തും വനിതാ പ്രാതിനിദ്ധ്യമാണ് ആലോചിക്കുന്നത്. ജെ. ചിഞ്ചുറാണിയുടെ പേരിനാണ് മുൻതൂക്കം. യുവജന, വനിതാ പ്രാതിനിദ്ധ്യമൊക്കെ 25 സ്ഥാനാർത്ഥികളെയും പ്രഖ്യാപിക്കുമ്പോൾ എല്ലാവർക്കും ബോദ്ധ്യപ്പെടുമെന്ന് വാർത്താസമ്മേളനത്തിലെ ചോദ്യത്തിന് കാനം മറുപടി നൽകി.

 കേരള കോൺ-എമ്മിന് അമിതപ്രാധാന്യമെന്ന്

കേരള കോൺഗ്രസ്-എമ്മിന് അമിതപ്രാധാന്യം നൽകുന്നുവെന്ന വിമർശനം കോട്ടയം ജില്ലയിൽ നിന്നുള്ളവർ ഉയർത്തി. ജില്ലയിൽ അവർക്ക് അഞ്ച് സീറ്റുകൾ നൽകിയപ്പോൾ സി.പി.ഐ പ്രാതിനിദ്ധ്യം ഒന്നിലൊതുങ്ങി. കണ്ണൂർ ജില്ലയിൽ പ്രാതിനിദ്ധ്യമില്ലാതായതും വിമർശനത്തിനിടയാക്കി.. മുന്നണിയുടെ കെട്ടുറപ്പാണ് പ്രധാനമെന്നും, കൂടുതൽ കക്ഷികൾ മുന്നണിയിലെത്തുമ്പോൾ വിട്ടുവീഴ്ച വേണ്ടിവരുമെന്നും കാനം വിശദീകരിച്ചു. കാഞ്ഞിരപ്പള്ളി മാണിഗ്രൂപ്പിന്റെ സിറ്റിംഗ് സീറ്റാണ്. നമ്മൾ 30 വർഷമായി തോൽക്കുന്ന സീറ്റ് വിട്ടെന്നേയുള്ളൂ. കണ്ണൂർ ജില്ലയിൽ 2011 മുതലാണ് സീറ്റ് ലഭിച്ചത്. അതും വിജയസാദ്ധ്യതയില്ലാത്തതാണെന്നും കാനം ചൂണ്ടിക്കാട്ടി.

ചിറയിൻകീഴിലേക്ക് ഡെപ്യൂട്ടി സ്പീക്കറുടെ പേര് മണ്ഡലം കമ്മിറ്റിയിൽ ഭൂരിപക്ഷവും നിർദ്ദേശിച്ചെങ്കിലും ജില്ലാ കൗൺസിൽ മനോജ് ഇടമനയ്ക്കാണ് ആദ്യ പരിഗണന നൽകിയിരുന്നത്. എന്നാൽ, മണ്ഡലം കമ്മിറ്റിയിലെ ഭൂരിപക്ഷവികാരവും രണ്ട് ടേം കഴിഞ്ഞ മറ്റ് സിറ്റിംഗ് എം.എൽ.എമാർക്കുള്ള ഇളവുകളും സംസ്ഥാന കൗൺസിൽ കണക്കിലെടുത്തു.

 കൂ​ടു​ത​ൽ​ ​സീ​റ്റി​ൽ​ ​മ​ത്സ​രി​ച്ച​തു​കൊ​ണ്ട് മാ​ത്രം​ ​വ​ലി​യ​ ​ശ​ക്തി​യാ​വി​ല്ല​​:​ ​കാ​നം

കൂ​ടു​ത​ൽ​ ​സീ​റ്റു​ക​ളി​ൽ​ ​മ​ത്സ​രി​ച്ച​ത് ​കൊ​ണ്ടു​മാ​ത്രം​ ​ഒ​രു​ ​പാ​ർ​ട്ടി​ക്ക് ​ശ​ക്തി​യു​ണ്ടാ​വി​ല്ലെ​ന്ന് ​സി.​പി.​ഐ​ ​സം​സ്ഥാ​ന​ ​സെ​ക്ര​ട്ട​റി​ ​കാ​നം​ ​രാ​ജേ​ന്ദ്ര​ൻ​ ​പ​റ​ഞ്ഞു.​ 13​ ​സീ​റ്റ് ല​ഭി​ച്ച​ ​കേ​ര​ള​ ​കോ​ൺ​ഗ്ര​സ്-​എം​ ​ഇ​ട​തു​മു​ന്ന​ണി​യി​ൽ​ ​പ്ര​ബ​ല​ക​ക്ഷി​യാ​വു​ക​യാ​ണോ​യെ​ന്ന​ ​ചോ​ദ്യ​ത്തോ​ട് ​വാ​ർ​ത്താ​സ​മ്മേ​ള​ന​ത്തി​ൽ​ ​പ്ര​തി​ക​രി​ക്കു​ക​യാ​യി​രു​ന്നു​ ​അ​ദ്ദേ​ഹം.
മു​സ്ലിം​ലീ​ഗി​നെ​യും​ ​ഇ​ട​തു​മു​ന്ന​ണി​യി​ൽ​ ​ഉ​ൾ​ക്കൊ​ള്ളാ​ൻ​ ​സി.​പി.​ഐ​ ​ത​യ്യാ​റാ​ണോ​യെ​ന്ന​ ​ചോ​ദ്യ​ത്തി​ന്,​ ​ഏ​ത് ​ക​ക്ഷി​യെ​യാ​ണ് ​ഇ​ന്ന​ത്തെ​ ​ഇ​ന്ത്യ​ൻ​ ​രാ​ഷ്ട്രീ​യ​ത്തി​ൽ​ ​തൊ​ടാ​ൻ​ ​പ​റ്റാ​ത്ത​തെ​ന്ന് ​ആ​ർ​ക്കെ​ങ്കി​ലും​ ​പ​റ​യാ​നാ​കു​മോ​യെ​ന്നാ​യി​രു​ന്നു​ ​മ​റു​ചോ​ദ്യം.
മ​ത്സ​രി​ക്കു​മ്പോ​ഴ​ല്ല,​ ​ജ​യി​ച്ചു​വ​രു​മ്പോ​ഴാ​ണ് ​ഏ​ത് ​പാ​ർ​ട്ടി​യു​ടെ​യും​ ​ശ​ക്തി​ ​മ​ന​സി​ലാ​വു​ക.​ ​സീ​റ്റു​ക​ൾ​ ​കൂ​ടു​ത​ൽ​ ​കി​ട്ടി​യാ​ലും​ ​തോ​ൽ​ക്കാം.​ ​ക​ഴി​ഞ്ഞ​ ​ത​ദ്ദേ​ശ​ ​തി​ര​ഞ്ഞെ​ടു​പ്പി​ൽ​ ​കേ​ര​ള​ ​കോ​ൺ​ഗ്ര​സ്-​എം​ ​കോ​ട്ട​യം​ ​ജി​ല്ലാ​ ​പ​ഞ്ചാ​യ​ത്തി​ൽ​ 9​ ​സീ​റ്റു​ക​ളി​ൽ​ ​മ​ത്സ​രി​ച്ച​പ്പോ​ൾ​ ​ജ​യി​ച്ച​ത് ​നാ​ലി​ട​ത്താ​ണ്.​ ​എ​ല്ലാ​ ​ക​ക്ഷി​ക​ളും​ ​ച​ർ​ച്ച​ ​ചെ​യ്ത് ​അം​ഗീ​ക​രി​ച്ച​താ​ണ് ​ഇ​ട​തു​മു​ന്ന​ണി​യി​ലെ​ ​സീ​റ്റ് ​വി​ഭ​ജ​നം.​ ​തൃ​പ്ത​ര​ല്ലെ​ങ്കി​ൽ​ ​സി.​പി.​ഐ​ ​സ​മ്മ​തി​ക്കി​ല്ല​ല്ലോ.
ക​ഴി​ഞ്ഞ​ ​ത​വ​ണ​ 27​ ​സീ​റ്റു​ക​ളി​ൽ​ ​മ​ത്സ​രി​ച്ചു.​ ​പു​തി​യ​ ​ക​ക്ഷി​ക​ളെ​ത്തി​യ​പ്പോ​ൾ​ ​ചി​ല​ത് ​വി​ട്ടു​ന​ൽ​കേ​ണ്ടി​ ​വ​ന്നു.​ ​കാ​ഞ്ഞി​ര​പ്പ​ള്ളി​ 30​ ​വ​ർ​ഷ​മാ​യി​ ​പാ​ർ​ട്ടി​ ​തോ​ൽ​ക്കു​ന്ന​ ​സീ​റ്റാ​ണ്.​ ​ഇ​പ്പോ​ഴ​ത് ​കേ​ര​ള​ ​കോ​ൺ​ഗ്ര​സി​ന്റെ​ ​സി​റ്റിം​ഗ് ​സീ​റ്റു​മാ​ണ്.​ ​ജോ​സ് ​കെ.​മാ​ണി​യോ​ട് ​സി.​പി.​എ​മ്മി​ന് ​സ്നേ​ഹ​ക്കൂ​ടു​ത​ലെ​ന്ന​ ​ആ​ക്ഷേ​പം​ ​ചി​ല​ർ​ക്കു​ണ്ട്.​ ​ഞ​ങ്ങ​ള​തു​ന്ന​യി​ക്കു​ന്നി​ല്ല.​ ​ഞ​ങ്ങ​ളു​ടെ​ ​സി​റ്റിം​ഗ് ​സീ​റ്റു​ക​ളൊ​ന്നും​ ​മാ​റി​യി​ട്ടി​ല്ല.​ ​ക​ഴി​ഞ്ഞ​ത​വ​ണ​ 91​ ​സീ​റ്റു​ക​ളി​ൽ​ ​മ​ത്സ​രി​ച്ച​ ​സി.​പി.​എം​ ​ഇ​ത്ത​വ​ണ​ 85​ ​ഇ​ട​ത്തേ​ ​മ​ത്സ​രി​ക്കു​ന്നു​ള്ളൂ.​ ​ജ​യി​ക്കു​ന്നി​ട​ത്തേ​ ​മ​ത്സ​രി​ക്കൂ​വെ​ന്ന് ​പ​റ​ഞ്ഞാ​ൽ​ ​തി​ര​ഞ്ഞെ​ടു​പ്പി​ന് ​പ്ര​സ​ക്തി​യി​ല്ല.​ ​ക​ണ്ണൂ​രി​ൽ​ 2011​ലാ​ണ് ​സി.​പി.​ഐ​ക്ക് ​ആ​ദ്യ​മാ​യി​ ​സീ​റ്റ് ​കി​ട്ടി​യ​ത്.​ ​ര​ണ്ട് ​ത​വ​ണ​യും​ ​ഇ​രി​ക്കൂ​റി​ൽ​ ​ന​ല്ല​ ​നി​ല​യി​ൽ​ ​പ​രാ​ജ​യ​പ്പെ​ട്ടു.​ ​അ​താ​ണി​പ്പോ​ൾ​ ​വി​ട്ടു​ന​ൽ​കി​യ​ത്.
കേ​ന്ദ്ര​ ​ഏ​ജ​ൻ​സി​ക​ൾ​ ​വെ​ളി​പ്പെ​ടു​ത്തു​ന്ന​തി​ലാ​ണ് ​കോ​ൺ​ഗ്ര​സും​ ​ബി.​ജെ.​പി​യും​ ​സ​ന്തോ​ഷി​ക്കു​ന്ന​തെ​ങ്കി​ൽ​ ​അ​ത​വ​ർ​ക്ക് ​കൊ​ള്ളാം.​ ​അ​തി​നെ​യൊ​ക്കെ​ ​നേ​രി​ടാ​നു​ള്ള​ ​കെ​ൽ​പ്പ് ​ഇ​ട​തു​മു​ന്ന​ണി​ക്കു​ണ്ട്.​ ​ത​ദ്ദേ​ശ​ ​തി​ര​ഞ്ഞെ​ടു​പ്പി​ൽ​ ​അ​തി​ന്റെ​ ​ഫ​ല​മെ​ന്താ​യെ​ന്ന് ​ക​ണ്ട​താ​ണ്.​ ​കേ​ന്ദ്ര​ ​ഏ​ജ​ൻ​സി​ക​ൾ​ ​ചെ​യ്യാ​ൻ​ ​പോ​കു​ന്ന​തി​തൊ​ക്കെ​യാ​ണെ​ന്ന് ​മാ​സ​ങ്ങ​ൾ​ക്ക് ​മു​മ്പേ​ ​സി.​പി.​ഐ.​ ​പ​റ​ഞ്ഞ​താ​ണ് .​ ​മു​ഖ്യ​മ​ന്ത്രി​ക്കെ​തി​രെ​ ​ഇ​പ്പോ​ൾ​ ​സ​ത്യ​വാ​ങ്മൂ​ലം​ ​ന​ൽ​കി​യ​ത് ​തി​ര​ഞ്ഞെ​ടു​പ്പാ​യ​തി​നാ​ലാ​വും.​ ​സ്വ​ർ​ണ​ക്ക​ട​ത്ത് ​കേ​സെ​വി​ടെ​പ്പോ​യി.​ ​അ​തി​ന് ​ചു​റ്റു​വ​ട്ട​ത്തി​ലു​ള്ള​ ​ചി​ല​ ​കേ​സു​ക​ളാ​ണി​പ്പോ​ൾ​ ​എ​ടു​ത്തി​ടു​ന്ന​ത്.​ ​കോ​ടി​യേ​രി​ ​ബാ​ല​കൃ​ഷ്ണ​ന്റെ​ ​ഭാ​ര്യ​യു​മാ​യി​ ​ബ​ന്ധ​പ്പെ​ട്ട​ ​കേ​സ് ​വ​ലു​താ​ണെ​ന്ന് ​താ​ൻ​ ​പ​റ​ഞ്ഞി​ട്ടി​ല്ല.​ ​ഗു​രു​ത​ര​ ​വി​ഷ​യ​മ​ല്ലേ​യെ​ന്ന് ​മാ​ദ്ധ്യ​മ​പ്ര​വ​ർ​ത്ത​ക​ർ​ ​ചോ​ദി​ച്ച​പ്പോ​ൾ,​ ​ആ​ണെ​ങ്കി​ല​ന്വേ​ഷി​ക്ക​ട്ടെ​യെ​ന്നാ​ണ് ​പ​റ​ഞ്ഞ​ത്-​ ​കാ​നം​ ​വ്യ​ക്ത​മാ​ക്കി.