തിരുവനന്തപുരം: സംസ്ഥാനത്ത് കൊവിഡ് രോഗികളുടെ എണ്ണം കുറയുന്നു. ഇന്നലെ 2316 പേർക്കാണ് രോഗം സ്ഥിരീകരിച്ചത്. ഞായറാഴ്ച 2100 പേർക്കും തിങ്കളാഴ്ച 1412 പേർക്കുമാണ് രോഗം ബാധിച്ചത്. ഫെബ്രുവരിയിൽ കൂടുകയായിരുന്ന രോഗികളുടെ എണ്ണം മാർച്ച് മുതൽ കുറയുകയാണ്. ഇന്നലെ 65,906 സാമ്പിളുകളാണ് പരിശോധിച്ചത്. ടെസ്റ്റ് പോസിറ്റിവിറ്റി നിരക്ക് 3.51 ആണ്. 2100 പേർക്ക് സമ്പർക്ക രോഗബാധ. 147 പേരുടെ ഉറവിടം വ്യക്തമല്ല. 21 ആരോഗ്യ പ്രവർത്തകർക്കും രോഗം ബാധിച്ചു. 16 മരണങ്ങൾ സ്ഥിരീകരിച്ചു. 4386 പേരുടെ ഫലം നെഗറ്റീവായി. നിലവിൽ 37,150 പേരാണ് ചികിത്സയിലുള്ളത്. 1,66,107 പേരാണ് നിരീക്ഷണത്തിലുള്ളത്.